藍天，白雲，多人.....

藍天，白雲，多人.....風和日麗，天朗氣清，最好做咩呀？去玩！
"以照亮每一處 日光歡樂請分享
跳躍在你身 跳躍在你心 叫你愉快開朗
燿眼陽光 足滿歡樂 它使你活力倍增 快樂在廣張........."

所以今日一早食完早餐，就去左睇"龍咁威 2"。勁無聊﹑勁低能﹑勁白痴，所以好好笑﹑勁好笑。
睇戲之前，因為未夠鐘，所以去左行街，買左d衫，短褲背心，好有夏天feel。仲因為揀衫揀得興奮得滯，遲左入場。
睇完戲行出黎，被個太陽晒到眼都睜唔大，難得咁好天，就心血來潮轉身同肥仔講"去沙灘玩囉。"就係咁，我地就入左赤柱lu。岩岩買果d衫大派用場啦。

入到赤柱，行完大街，行過沙灘既時候為左避開人群，行左入條巷仔。嘩，唔係親身行去都唔知原來果度d屋好靚架，又靜，完全唔知自己係香港，我仲忍唔住影埋相添。 "從無緣無故的徬徨 走進歡笑開朗.......能遺忘人世的繁忙 方會醒覺風在吹......"

雖然今朝早起身時都仲有d唔開心，不過肥仔話唔開心都幫唔到d咩，有假放就唔好諗咁多啦。就係咁，將所有既野..... "通通拋諸腦後....."