"好痛。" 與 "痛死人啦﹗"

尋晚去左做facial。做facial簡直就係我最開心既事，因為有人幫我按摩﹑整靚靚塊面，同我有得訓餐死。但尋晚就唔係咁開心啦。因為我個身生左一粒好似瘡，但又唔係瘡既野，好耐架啦。個美容師話係d毒瘡生唔出，而家實左，佢幫我"gee"佢。果舊野都幾大舊架，初頭都無咩事，唔係太痛。不過搞左好耐，因為佢想一次過幫我清左佢，所以佢臨尾好鬼用力。事關搞左咁耐粒野周圍d肌肉都傷傷地，所以搞到我越黎越痛。最後都係要叫停佢，我都明佢一番好意，唔想我下次黎再痛過，但今次痛死左我，下次我咪黎唔到囉，咁咪又係大家既損失。我返到屋企成舊肉都腫晒啦，郁下都痛，唉﹗

仲有一樣痛，今朝起身已經覺得個下腹好痛，梗係"女人最痛"又黎探我啦。但痛極都要返工架。返到黎公司真係已經痛到標晒冷汗，周圍問人有冇panadol都搵唔到，唉，無計啦，唯有係公司度"典"啦，簡直…"活像受罪，但是又離不開"。