鬼域 = 珍惜

星期五晚去咗睇"鬼域"。原先以為係一套鬼片，所以頭果廿分鐘睇得好"斯縮"，因為驚嘛。但睇睇吓發現都唔係鬼片黎既，仲有幾個位拍得好搞笑添(本來應該係要驚既，但唔知點解可以拍得咁搞野)。

其實，"鬼域"係講一個被人放棄既人同事所存在既另一個國度。就好似唔要既玩具﹑唔記得拜祭既先人﹑甚至唔要既bb(即被人落咗既胚胎)同諗過唔做既念頭想法，都會喺呢個空間出現，亦都會隨時消失。喺果個空間既所有野都好憎恨人，因為係人創造咗佢哋出黎又唔要佢哋。

套戲拍得一d都唔好"睇"﹑即係視覺上一d都唔靚，因為跟本就無focus係呢部份。套戲要做既一樣野就係話比人聽唔好輕言放棄，不論係對其他人或者身外物，尤其係對生命既尊重(無論係自己既生命或者一個未出生既生命)。一句到尾，要珍惜世上所有既野。