唔經唔覺就過咗個星期六

因為前一晚口多多應承咗小鵬十點同佢食早餐，所以一早又比佢叫醒咗。哎吔，好眼訓呀，放假就比人訓多陣嘛。

食完早餐，小鵬陪我去咗灣仔簽約，我而家份工又續多半年啦，做到下年一月尾。不過，叫agent加人工，又唔肯，只係比返d勞工我咋，就己經好似皇恩大赦咁。大佬呀，d假我應得架，刻薄鬼。

簽完約，我哋又走咗去朗豪坊，因為小鵬要買生日禮物比佢d friend。但最終，連佢自己都買埋一份。佢喺Laosmiddle買咗個袋， 佢孭都幾好睇既。但個sales失驚無神拎個同款但細一個size既袋黎比我試，我都無話要買，冧小鵬咪得囉。咁我試過，咦，都唔好睇既。我孭得唔靚就梗係唔買啦。但小鵬孭得好睇，佢諗咗一陣，就決定要買勒。

行咗一陣，我哋就返咗屋企。我就梗係練琴，小鵬就梗係打機啦。

等到差唔多五點幾，就去金滿庭度食飯。但我竟然喺食飯之前肚痛呀。好在金滿庭d野食好大碟，同埋都好好食。所以食咗好多同好飽。

跟住嫲嫲仲派利是，我都有份呀。