828

828係媽咪嘅西曆生日。

我練完琴想買個生日蛋糕比佢，但係……"無得賣喎。"

我只係買咗件芒果切餅比佢。一入門口，就拎住個蛋糕同媽咪講生日快樂。亞媽望住我同我講﹕"邊個生日呀?" -_-"(咪你囉。) 佢望吓個日曆，就笑笑口話﹕"我都唔記得咗添。多謝。"

真係比佢激死。

其實，我都唔明我幾時開始，我會有心機去氹吓我亞媽。不過，我記得細個嘅時候，我一路都唔鍾意媽咪，成日都同佢嗌交，成日都駁佢咀，因為我覺得佢錫亞妹多過我。但唔知幾時我唔再計較亞媽錫邊個多D；唔知幾時開始我覺得我有必要要好好照顧我亞媽，而唔係同佢鬥氣！