有plan，有目標

上星期同Eric傾開，佢問我幾時會同小鵬結婚。我哋係有講過下，知道大家都有咁嘅打算，只係大家都仲未試過坐低傾啫。哎吔，咁人哋(即我呀)唔知點講嘛。

尋晚，我同小鵬兩個人去咗打邊爐。終於都算有時間坐低傾吓啦。
都唔係好記得係邊個講起先，好似係我呱。
我哋打算儲三年錢之後，先結婚。呢個係一個暫時嘅決定。可能會開到花結到果，我唔想大家都有壓力，呢個係我一直唔敢同小鵬傾嘅原因。我同小鵬拍咗拖就嚟三年啦，係最耐嘅一個。我好珍惜，同我會努力維繫。