預祝生日

今日同一個同事預祝生日，我lunch果陣走咗去買個生日蛋糕。因為大家都有食lunch，所以我就去搵個半磅嘅蛋糕。終於比我搵到，一個半磅嘅tarumishu。(仲好好食添呀。)

但我返到公司先諗，我究竟有無記錯呢?佢係咪同我一樣係22號生日呢?死嘞，但我又真係好似記得係喎。所以，我就用msn去試探吓佢。好彩，我無記錯佢真係22號生日，如果唔係我就要拎個蛋糕返屋企食啦。

我仲諗住會有個好大嘅surprise，試探完，咩surprise都無晒lu。我仲要漏廢到唔記得買紙碟，要周圍班返嚟呀。好在二樓茶水部有咋，唔係大家真係用手"那"嘞。

再喺度講多次啦!Jason，生日快樂啦。短期嘅，就祝你可以快d有假返澳洲渡假啦；長遠嘅就祝你快d搵返個女朋友啦。你太瘦啦，生返多d賤肉先得呀。