總算有嘢睇

搞咗好耐果個IWMP，終於都見到樣啦。可以喺同事部機到subscribe到msg，又識著閃燈，都算係咁啦。我都唔知幾驚佢早三個月就小產呀，而家係心都定D。

今日check email知道幾時要考試啦，係十二月十八同廿九日呀。我今日仲同我個PM請埋假去考試添。雖然，我只係讀part-time，考試時間喺傍晚，其實只要早走一個鐘就一定趕得切去考試，但我唔想考試前都仲要返工，姑勿論我放假喺屋企係咪溫書，但總算對住D書同notes。拎起手都有得見吓，remind吓嘛。但如果返工就唔係咁講啦，無得溫書不但只，仲無心機做嘢添。咁就真係浪費時間啦。