運動日

今日我抽起條筋想去跑步，(其實，係因為我大佬話我要開始減肥，想好準備。)所以，今日放工返到屋企，同亞爸亞媽食完飯，我就提議亞爸一齊去跑步。點知佢又一口答應咗，我哋就一齊去咗跑步啦。

今日係我哋第一晚跑步，只係跑咗十分鐘，之後就喺柴灣行咗一個大圈，行咗成個鐘先返屋企。
亞爸行到雙腳有d抽筋呀，我哋就慢慢行返屋企囉。

返到嚟，我d汗已經乾晒，老豆仲滴緊汗，超誇張。
我沖完涼就順手倒咗盤暖嘅鹽水比佢浸腳，浸完先沖涼。

下次都係揀星期四先去跑，因為星期五亞爸休息，唔洗驚第二日隻腳軟，開唔到車。 ^_^