考琴日

搞咗四個幾月，今日終於都到啦。

一向為人都過份緊張嘅我，今日都不失一向嘅本色 -- 驚到甩肺。
有首歌仔彈到一半甩咗唔在講，喺甩咗嘅時候，我隻手震到彈唔返，唔知點(我都唔係好記得)咁彈咗甩晒果三分一首歌，慢慢先彈得返最尾果三分一。唉……
真係合格與否都成疑啦。

考完嚟就梗係心情唔好啦。
以我一向心情唔好嘅解決辦法只有一個，出血。

而我嘅首選就係去捐血站，不過，我喺兩個月前已經捐咗血，唔可以咁快再捐過。
所以揀咗第二個出血方法，行街買嘢。

今日第一個受為者當然係我honey啦，佢之前話買件背心嘅羽絨。今日比我搵到，所以就買咗比佢去旅行著。
第二個受為者當然係我自己啦。買咗咩唔方便講，但可以令自己心情好返d啦。