提早同Trevor慶祝

提早同Trevor慶祝佢下個星期六既生日。可惜，得我﹑Trevor同Season三條友仔。唔緊要啦，有得出咪得囉。三條友去左唱k lunch，因為得三個人，所以無咩歌唱過。仲有neway d lunch 好鬼難食。我咪唔揀飲擇食既人都唔食呀，你話佢幾咁難食呀。唱完兩個鐘頭k，去左世貿打機。初頭都係睇佢地兩個打架咋。係之後玩左果部賽車game，(死勒，我都無留意個game叫咩名添，是鬼但啦。)我覺得好好玩喎。架車真係會甩住尾咁入彎，我覺得佢型爆喎。可惜我果日著住對高踭鞋，成日"cake"住個踭，麻鬼煩，激死呀。玩左一次之後，其實我意猶未盡架，不過見佢地好似仲想玩其他野，咪去玩其他囉。玩多一陣，佢地諗住走。行出門口之後︳又話我好唔玩，搞到佢地用唔晒d coins喎。早響丫，我不知幾想繼續玩果個賽車game呀。所以，打後我地就狂煲果個賽車，佢地兩個仲車輪咁同我鬥，不過次次都係我輸既。我都係要practise多d先得啦。