大概啦…

又成個禮拜無寫blog添。係呀，我懶嘛。同埋啱啱尋日搬返上大房，PM係後面睇住，無咁自由啦，無得成日做自己野啦，仲好慘連恰眼訓都唔得呀。

我要搬返上五樓大房既原因係因為五樓有好多人離職，吉晒D位出黎，所以我要坐返果度充撐下場面囉。上個星期五KING last day，我地一齊去食飯，之後去左飲野。上次去左aqau，今次就去左sheraton既頂樓果間(唔知記得左名添)。飲左一支白酒，跟住一人一杯cocktail，傾到十點幾就散lu。果支白酒好好飲架。但我又唔記得左個名，等我問返個同事先，下次可以買黎同其他friend一齊飲嘛。不過好奇怪，唔知係咪好耐無飲野，定係溝左酒飲呢，我最尾竟然有少少醉喎。返到屋企個心跳得好快，訓唔到覺，搞到成點幾兩點呀。