aptitude test

尋日收到信，要我去做aptitude test。個日子仲擇得非常之準呀，本月22日，下午4:00。咁就邊度都唔洗去啦。係明益我先好呀。

仲有呀，下晝同小鵬帶鬼妹表妹去公園玩。我同海明玩咗一陣好攰，所以我坐埋一邊睇佢哋玩。點知坐坐吓，有個婆婆指住海明同我講："亞妹幾大呀?""六歲幾啦。"我話。跟住，婆婆笑住同我講："生多個仔就啱啱好一個好字囉。" (-_-') 心聲:"我都知，但個女唔係我架。"但我又唔想同佢解釋咁多，笑吓就算。然後婆婆又繼續講："帶住小朋友，好難搵食架。你有無做野呀?"(-_-")心諗:"我就梗係有做野啦，個女都唔係我既。"所以，我同婆婆講："我有做野呀。"最後，婆婆就問："咁邊個幫你帶個女呀?"(-_-"')心聲："個女我撻返黎架。"