落雨啦，收衫呀！

因為有一個熱帶氣旋接近本港，令到香港嘅天氣好唔穩定。前晚開始已經一路落住好大嘅雨，落足成日幾都無停過。尋日朝返工，都未訓得醒，原本想搭地鐵果陣恰恰。點知架地鐵搞事喎，佢竟然玩漏水喎。係咁"her""her"聲流落嚟，流晒落D座位度。

原本大家咁多個乘客諗住唔坐D濕嘅地方咪得囉。左右隔離都應該OK無問題嘅，所以我正前面個位就吉咗，因為佢流晒水，但果個位隔離就坐晒人。誰不知一開車，條水注就斜咗，流咗落其中一個隔離位，(因為我唔識分左右，我唔知係左邊定係右邊位，anyway，總之就係其中一個隔離啦。)咁個後生仔就好尷尬咁行開，我開初都覺得幾好笑，但人哋都濕咗身就有返D品德，唔好笑人哋。

但另一個隔離都仲唔聰明，仲喺度掛住笑人哋。點知架車一煞車，條水柱就側咗去佢果邊。今次仲大鑊，D水仲多咗添。條友勁濕。呢個時候我就真係忍唔住笑啦。