JuicyLemon

今晚去咗睇JuicyLemon，即係容祖兒x古巨基。本來都對佢好大期望吓。但點知大跌眼鏡呀。

真係估唔到兩個咁唱得嘅人，放埋一齊係一個"悶"字。

成場都無氣氛，d人坐晒喺度，郁都唔郁吓。好似訓晒覺咁，搞到我呢d郁身郁勢嘅人，好似傻嘅咁。咁靜不如返屋企聽CD或者睇DVD啦。做乜聽concert啫。

我記得前年去睇周杰倫演唱會，兩場都超正。第一場我同小鵬飛過台灣睇，企足全場，"un"足全場，嗌足全場，正。幾個月後周杰倫喺香港再開，我哋再睇，因為喺紅館，所以唔可以企(suppose)，但因為坐第四行，人人都企，我哋就梗係企足全場，跳足全場啦。超正。咁先係演唱會嘛。