撒嬌唔啱日子

尋日我好想搵人撒嬌，所以咩都唔理，連琴都唔練，一放工就即刻去搵小鵬。原本諗住可以撒嬌耐D啦，因為小鵬又唔洗返學。點知食完飯，小鵬同我講佢要返屋企做功課。乜佢唔係前晚就要交架咩?我問返佢："你唔係星期三要交啦咩，做咩尋晚唔交呀?咁咪遲交囉?"佢就同我講："今日咪星期三囉，所以最遲今晚交囉。"然後佢就笑笑口同我講："你梗係唔記得今日先係星期三啦。"又比佢知道我咁大懵添。

最後都係放咗佢走，無得撒嬌lu。