你鍾意佢d咩先呀

你鍾意一個人，你會首先鍾意佢d咩先呀?

我呢兩日發現，我鍾意一個人，首先會鍾意佢嘅笑聲先。換句話講，如果我唔鍾意聽果個人嘅笑聲，我係唔會鍾意果個人。但如果果個人嘅笑聲會吸引到我留意佢，而我又覺得聽落都幾好聽，我就會開始留意呢個人，好鍾意聽佢嘅笑聲，成日都想見佢笑。就係咁，好容易就會鍾意一個人。

鍾意一個人就係咁簡單。