(^_^) 等放工

我尋日放工無OT到，因為我好趕，我要趕住去銅鑼灣，做乜去銅鑼灣?!因為我想去接我Honey囉。我未到六點就走，去咗搭巴士，一路等一路驚，唔知過到去Honey會唔會走咗呢。等到六點三先有車，仲有少少塞車添。真係玩嘢嘞。好在我個電話都一路未響過，因為Honey一放工就會打比我，所以証明佢都仲未放工。

我六點半度就去到Honey公司樓下，見到有位坐，所以就坐咗喺度等。等到七點幾，Honey先至放工，但佢見唔到我喎。咁我就一直吊住佢尾啦，偷偷地跟蹤佢。果然，佢一轉角就打比我，我扮晒無嘢，問佢做乜咁晏放工呀?咁佢就講講講…就係佢講得慶高彩烈，我就喺佢後面彈出嚟，我見到佢比我驚到面容扭曲，佢仲話我嚇死佢添。

真係搞笑，笑到我死死吓。