有又煩，無又恨

之前有個新agent叫咗我去in恒生，可能係有人事嘅關照啦。恒生比個offer我，係一年嘅IT specialist。今日agent打嚟同我講，兼催我同佢簽contract。但係恒生果邊除咗人工比而家多兩三千蚊，同返工近D之外，都無咩好。而且聽舊同事講，仲會好辛苦，而家佢哋通常都要八九點先走得。而且佢哋果邊個project而家做緊Design，但六月就要完，我心諗咁咪好趕同好辛苦囉，我而家六點鐘走已經叫做OT咗，兼好夜走架啦。仲話八九點喎，咁我咪咩都做唔到。我都係再考慮吓呢個post先。

而呢排，天文台都開始同我哋續約。續兩個月，去到三月，完埋今個財政年度。老實講，喺天文台度做一D都唔辛苦，只係D嘢有D悶。做嚟做去都係果D嘢，但最慘嘅係你做完都唔會有人appreciate你做嘅嘢。因為佢一早話你聽你做緊嘅嘢只係拎嚟"磁"。吹脹。不過，咁都無咩唔好，起碼唔會比人日催夜趕。只係我唔鍾意我而家agent公司嘅policy啫。想再要我幫佢搵錢，我條氣唔順囉。

仲有，我今日仲收到亞姨email，話佢公司佢之前做嘅Department請人，叫我apply。仲要apply之前比我份CV佢過咗目先。如果有得比我揀，我梗係想做亞姨果間啦，話晒都大過恒生，仲係permanent添。係邊度搵呀，同埋仲可以換到field喎。 我就梗係有前無後，打死巴就，apply先再講啦。

搵咗工咁耐，一係又無offer，而家有又咁煩。人就真係犯賤架。