路不搭遺

我今日喺街搭到部電話呀。
今日行完旺角，聽到一陣好急，好快嘅腳步聲，轉頭一望過去，就見到兩個妹妹跑得好快，唔知追緊嘢呀，定係比嘢追緊。我最初都不以為意，但當佢哋好快咁走過嘅時候，我霎眼見到有d銀色嘅嘢跌咗落地下。我就好下意識咁嗌住果兩個妹妹，小鵬喺隔離聽到，問我咩事。我話頭先跑過果兩個妹妹跌咗嘢。其實，我都唔知佢跌咗咩，只係知道佢哋跌咗嘢，行近d睇，先知個妹妹跌咗個電話。想去追返佢哋，但佢哋己經一支箭咁標咗過馬路。

我哋原本想等再轉綠燈嘅時候，追過去比返佢哋，但由於條街太多人，未到下一個綠燈，佢哋己經喺人海裡面消失咗。我有d唔知點算，小鵬提議我keep住個電話，佢話個妹妹發現唔見咗個電話一定會打比自己嘅。咁我唯有拎住個電話啦。(其實，拎住d唔屬於自己嘅嘢，我嘅感覺唔係咁好。)不過，我好想將個電話物歸原主，雖然我真係有一刻諗過將個電話丟返落地下咁低能，但最後我都一路拎住個電話去食飯。

好彩過咗一陣，個妹妹都打嚟搵電話。而我亦都相約佢係酒樓門口比返佢。

蘇府彌月

尋晚，我同小鵬去咗飲蘇俊軒嘅滿月酒。 邊個係蘇俊軒，佢咪係小鵬同中學同學個仔囉。 一個11磅幾嘅勁重bb。 我抱咗佢一陣，影咗幾幅相，己經手都軟埋啦。

轉吓眼

轉吓眼又過咗個幾月。我都係呢個blogger world 消失咗一個月有多嘅時間。唔係呢個月無事發生，只係我完全無時間上blogger啫。

呢個月我做咗d咩呢……
公司果邊嘅嘢就一路都未忙完，所以每日都成七﹑八點先收工，都只不過係家常便飯。講真，你問我公司係咪真係勁得咁緊要，我又覺得未至於。只係個project 係 direct under department head，所以manager一d都唔敢馬虎。就係咁苦了我哋一班下屬囉。好彩嘅係個project 都算漸入佳境。project己經去到phase one 嘅UAT階段，主要都係收搭吓嘅殘局，唔洗由頭做起，己經慳返好多功夫。所以，呢排唔算做得好辛苦。

既然，做嘢唔辛苦，咁究竟我呢個月做咗d咩呢?!
睇台劇囉，我呢個月睇晒"花樣少年少女"同"終極一班"，仲有就係溫書同做功課。
所以，都無咩特別。
咁耐唔寫blog，一句講晒……"懶"。
= p