人來人往

公公離開只係幾日，心情一直都唔係太好，總係提唔起勁。

直到尋日放工，收到個舊同事peggy電話。
一個無見差不多兩年嘅同事，佢話佢喺屋企睇電視見到周杰倫諗起我，所以打比我。

Peggy舊年結咗婚，當然我都無打去恭喜佢。呢個就係積極同懶散嘅分別。
anyway，咁耐無見仍係傾吓近況啦。
一問之下，佢竟然同我講，佢星期五果日生咗個仔。
(有一個小生命誕生，一個飽歷人生嘅生命終結，都係兩日間嘅事，原來人來人往，係一件好普通嘅事。)
婚後嘅舊同事，一心相夫教子，唔洗做嘢。
好幸福嘅女人啊，就祝peggy同汝軒B都永遠幸福。