醋酲

我自問係一個天生嘅大醋酲。我估我每個男朋友都有試過我醋意大發嘅經驗。

上個星期日，我又再次病發。

話說，我哋食完飯。埋單果陣，通常都係男朋友出埋我果陣，(其實，又唔一定嘅，只係視乎邊個銀包有錢啫。但如果男朋友有嘅，通常都係佢比囉。)咁Amanda見到小鵬比埋我果份，佢就口快快(喺我嘅角度，係口多多，多d)咁叫小鵬比埋佢果份。我亦都好好奇嘅咁咗小鵬一句，"點解你要比埋佢果份呀?"Amanda就真係口多多咁講咗句好曖昧嘅說話，exactly果句係咩，我唔記得，但大意係憑佢哋以前嘅關係，小鵬就應該要出埋佢果份。我知係玩，但醋酲一打翻，無人可以收拾得到，包括我自己在內。

我開始唔理小鵬，除非佢可以解釋到頭先果句說話啦。同事實之全部。我知係難為咗佢，但我真係醋意難消呀。最終，小鵬都要多番解釋，連翻say no之下，先可以令我除下最高警備。

我知呢個應該係我做唔到一個好女朋友嘅最大原因。