Mike少 farewell party

其實，Mike少係我其中一個同事。佢上個月尾contract就已經完左，但我地今日先同佢farewell。因為天時暑熱，都唔知去咩地方玩好。諗到無得諗，我只好自動請英，提出上我屋企玩，大家打麻雀啦，打PS2同玩pictionary。

一行七人，因為唔夠腳，所以只係開得一檯麻雀，其他三個就去玩PS2。但我地實在打得太慢，4圈都打左兩三個鐘。打完4圈，大家都係決定大家一齊玩，跟住就埋單，我竟然輸囉，真係黑仔。呢個就係我唔鍾意係自己屋企打麻雀既原因，次次都輸架。

麻雀唔好講，跟住我地就一齊玩pictionary。我地一玩就玩左五個鐘，玩左成三四輪。由分組變成個人鬥快估。勁好玩﹑勁好笑﹑我發現女仔係玩得叻d，可以女仔既想像力豐富d。每次畫左少少，女仔就會好快估到。同埋，可能大家都係IT人，諗既野都幾相近，就算係分組畫，畫既野都係差唔多。大家都有D心靈相通呢。