Martyn 2nd In

今日，Martyn又黎interview啦。邊個Martyn，佢咪係一個係澳洲返黎既香港人囉。呢個香港人完全唔識講廣東話，講英文又好似Marc咁一舊舊，有一個大佢七年既女朋友。佢係黎in programmer架。佢之前都in過架啦，果次老細問佢想唔想做份工，佢淨係識得話份工好interesting，我地夠知啦，咁你想唔想做先得架。想咪話想，唔想咪話唔想囉，九唔搭八。
佢果次nterview就梗係衰左啦。跟住佢就日日打比Marc，話佢真係好想做份工架，叫Marc幫佢安排多一次interview。所以，佢今日又黎過勒。咁聽落，佢都幾有恒心既。

尋日游完水既後遺症出晒黎啦。少少周身骨痛不在話下啦，仲曬到黑炭頭咁呀~變左"賓賓"添~