呢個禮拜我……

係勒，又一個禮拜勒，唔知幾時開始呢個blog變左一個週blog。
我亞媽要我去箍牙呀，佢話我棚牙越黎越哨，仲話人地醜樣添呀。都唔知點做人亞媽架，咁話自己個女。不過我都想既，我棚牙又真係好鬼唔靚，都係哨呀，唔整齊呀咁啦。但我怕痛，又貴。真係……嘥氣。

呢個weekend我好開心喎。日日都同肥仔一齊。返學前又見到佢，放學又見到佢。一齊食早餐；我練琴，佢熨衫；我訓晏覺，佢打機……

上個星期三去左開alumni ex-co meeting，topic係我地alumni出唔出廣告支持學校斷龍。但我地因為無徵詢過d member，所以唔可以用alumni個名。咁身兼數職既ex-co就話今日點都要有個交代。alumni ex-co個名都要出架啦。但ex-co當中又有係主誕堂既人，大家都唔肯讓步。結果都係出名不成。真係黑暗。但該場戰役亦不乏熱血既成員，不惜自資出廣告。勇~

舅母同舅父又出事啦。其實，d人點解要結婚呢。結婚完廿幾三十年後，又要出去玩，又要離婚。對我黎講，不輕易合，亦不輕離。大家結婚當日唔係己經許下承諾"執子之手，與子偕老"架咩。點解會咁兒戲。定係我唔明白大家既難處呢。我只知咩事都要坦白，你瞞我我瞞你，大家點一齊過埋下半世呀。