再一次攤牌

我臨訓前，再同第一當事人攤一次牌。老實講，係攤牌之前，個心真係好忐忑，因為唔知個後會係點，但我為呢個問題點都要面對，因為我睇得佢哋一時，唔睇得佢哋一世，佢哋兩公婆仲要對埋呢下半世。大家個心有條刺，你猜我我估你，仲點可以生活得開心。

我第一句就問第一當事人: "你係咪仲覺得佢(指住第二當事人)出面有人?" 第一當事人話: "我無提呀，你提咋！" 我話： "唔講唔提，點解決問題。我唔要你認同我，但我亦都唔同意你既講法。但而且我想做既係解決呢個問題。"抆"咗條刺，咁大家以後都唔好再提。" 我再講： "你話要佢(再指第二當事人)同出面既人分開，你就會算數嘛。係唔係？咁你要佢點樣証明佢哋分開咗？" 第一當事人微微低頭，無出聲，好明顥佢由頭到尾都係埋怨，無諗過要點實際解決辦法。咁佢唔出聲，我就比佢諗下。大家咁就去訓勒。

但我確實係比第一同第二當事人……吹脹，佢哋睇落又唔似有事。當二當事人手痛﹑鼻敏感，第一當事人又會幫佢搽藥油﹑買敏感藥。搞到我好似個八婆咁，去理人哋兩公婆既事，吹脹。咁當然，佢哋真係咁恩愛既話，我寧願我係一個八婆囉。