反斗車王

尋晚睇咗反斗車王(Cars)，覺得套卡通片都ok好睇，但唔係太啱細路仔睇，因為太多內心戲。

但有個位令我覺到"叮"一聲既係，莎莎帶咗閃電王McQueen上到山，再望返落黎，見到好多好多既車係高速公路到飛馳，都唔知為咗d乜，過得一d都唔開心；相反，旁邊既一個鎮仔(打冷鎮)，雖然佢哋生活好簡單，不過佢地好享受箇中既樂趣。佢哋相處和睦，而且守望相助。佢再講返，現代人成日都為咗搵錢，勞勞碌碌；一句為生活過得舒適過得好，就做咗金錢既奴隸，成日愁眉苦臉。點解唔可以過得簡單d既，比自己生活得開心d。

其實我覺得生活唔一定要好富裕，只需要我想買野既時候，有錢買野。天氣好既時候去沙灘行個轉，食杯軟雪糕咪好開心囉。大屋﹑車﹑名牌衫褲……等等，有唔代表我開心，無又唔等於我失敗。我要既只係同我關心同鍾意既人一齊過，咁咪開心囉。

做人簡單d好。