考慮中的 <<浪茄行山>>

嚟緊星期一係公眾假期，大學同學仔話去行山喎。我本來都無咩所謂，去又得，唔去又得。不過，睇完Amanda個blogger入面果D講浪茄嘅link，見到D相又真係幾鬼靚，搞到我都有D心動想去。趁住呢排天朗氣清，我都好想去吓郊外行吓，因為真係好耐無戶外活動過。而且，我仲想影吓相，影吓一大班朋友嘅相，影吓風景嘅相，影吓東影吓西。發覺自己無影過D生活相都一排，好多日子發生過嘅嘢都唔記得啦。想趁今次影返D呢。

不過，唔係我話去就去，我都要顧及我另一邊呢。小鵬呢個星期日要去拜山，我唔想佢假期都咁辛苦，連繼去兩日都係行餐懵。所以，浪茄之旅參加與否就要睇我Honey頭啦。佢攰嘅就梗係唔去啦，不過如果佢頂得順嘅，我都會好想去，至多我沿途照顧返佢，唔會顧住自己玩，同整定D愛心lunch比佢食囉。(著實唔顧住自己玩係有D難度呀。)