MSN 傳嚟嘅不祥預兆

再過多日就踏入一年裡面最重要嘅日子--聖誕節啦，通常呢D日子收到特別多mseeage，大部份都係收到D相約去玩嘅msg。收到除咗開心之外，仲有少少煩，因為假期人人都係得果幾日，但friend又有咁多，同邊班去玩好呢。呢D日子就係最順得哥情失嫂意嘅時候。

但收到呢D msg都還好呀，因為你唔去嘅話都係開始玩之前比人咒罵兩句，一大班人開始玩之後，你係乜水，有無嚟過都唔會有人記得。但有一種msg喺過時過節特別多，就係失戀。唔知點解D人梗係鍾意大時大節先分手﹑先表白，唔知係咪覺得大時大節有利呢?

喺小鵬屋企臨出門口去同無良慶祝生日之前，收到Eric嘅msg。內容係"26號未能出席，因心情欠佳。"意思係"我哋本來約好26號一齊去玩轉環球嘉年華，好明顯有D事發生咗，佢26號唔想出席。雖然我哋只係識咗短短七年，但佢"拮"起條尾，我都知發生咩事，其實就算唔熟，都知一個未婚男人唔係為錢就係為女人架啦。佢唔係好有錢唔洗做，但我知佢最近經濟情況完全穩健，所以我好肯定佢為女。梗係表白衰咗啦，都係果句又係大時大節嘅催情氣氛累事。

明白佢嘅處境同心理狀況，佢26號唔嚟就由佢啦。係要療好傷先可以見人嘅。但我估唔到嘅係佢同五六年嚟都一路無改變過佢療傷嘅方法，都仲係採用自閉策略啫。

(後記於2007年1月8日)