伍生伍太的婚後生活。 ^_^

是福不是禍，是禍躲不過

唔知係咪一逢喜事嘅緣故，好似好多事，不論好壞，都會扯到我身上一樣。

結婚嘅事都一直喺度準備緊，不過不失咁啦。好在有好多朋友都好肯幫手，真係非常感激每一位，靚女靚仔嘅大力幫忙。

喺呢度，我就唔講咁多我結婚嘅事，因為呢個係我自己私人BLOG。

我想講嘅係我公司嘅嘢。
我近日被assign咗去做一個one-man project。事緣，我dept最近嚟咗個management trainee。呢個trainee係直接under我哋嘅dept head，佢嚟做一個quarter嘅on-site training，二月尾佢就會走架啦。on-site其間，要做一個比較小型嘅project，作為佢哋去每個dept 嘅功課。由於佢under嘅係dept head，正所謂人要面，樹要皮，呢句嘢喺公司高層又能突顯。我亞姐為咗要令個trainee做到d成績出嚟，由搵咗個睇嚟好似好易，好簡單嘅project返嚟比佢跟嘞。講咗咁耐，到底我同有咩關係呢。關係就大啦。人哋係management trainee，唔係programming trainee，所以trainee妹妹要負責嘅只係management個project同人，咁project就有啦，仲有咩人比trainee妹妹manage呢。失禮晒，就係我啦。
就係咁，trainee妹妹喺佢留喺我dept果4個月有一個project可以學嘢，而我就比一個one-man project纏住一世。慨歎一句，同人唔同命。

有沒有終點 誰能知道

斷斷續續嘅OT，已經持續個多月嘅時間……

接下來嘅日子，仍然存活在黑暗裡，盡頭找不到﹑黑暗過後嘅曙光還未到……

OT仍是要繼續……

無他，只因已經把自己賣了。

勇闖最後一關

今日present咗data mining 嘅project。呢科只係差一份功課就搞掂。而家剩返嘅就係下星期一嘅survey exam。

好緊張呀，最後一科啦，搞掂埋就可以畢業啦。只差一步咋。我就嚟係一個碩士啦。

打邊爐闖的禍

我不嬲都好鍾意打邊爐，無咩點解，只係覺得大家坐埋一齊，一邊等嘢食，一邊傾計好鬼happy，有講有笑，可以食得多d。同埋，d嘢一熟，即刻夾嚟食，熱辣辣好好味。

我都有一排無打邊爐啦，都係因為無人同我打啦。
不過，今晚鵬爺應承同我去打邊爐喎，勁開心啦。雖然只係得兩條友，食唔得好多嘢，不過有殺錯無放過。
可能因為天氣唔係太凍，所以都唔係有好多地方有得打邊爐。行咗好一陣先搵到近住旺角工業貿易署斜對面果間"金御"。本來都想搵間任食嘅，不過實在太難搵啦，所以見佢話兩個人送一碟肥牛，好啦殺你啦。

入到去，可能因為有得叫小菜，所以打邊爐嘅人始終唔係咁多。我哋無理咁多，坐低就開始點嘢食。鵬爺又驚我眼闊肚窄，所以佢問晒我想食乜，先再喺我想食嘅嘢裡面揀d出嚟叫。我反而無咩所謂，唔好晒嘢都係啱嘅。

食咗兩個鐘，好飽。開始放慢，邊睇電視再食埋剩返嘅少少嘢。點知，坐坐吓，我覺得個肚開始痛。唔知係咪我淥得唔夠熟呢，諗住痛一陣就無事啦。點知喺離開咗間食肆之後，肚痛升級，陣痛頗密咗呀。過咗一陣仲連鵬爺都加入"痛"團添。我哋搵去咗朗豪坊度借嘢啦。點知我都仲係痛到唔停，搞咗好耐(個人同個肚都係)個人開始手軟腳軟，先敢搭巴士返屋企。不過上咗車之後，個肚就無再痛啦。好彩咋。

關於……周杰倫

我好鍾意周杰倫，雖然佢算唔上靚仔，但佢真係好有才華……尤其係音樂方面。

而以下就係一個關於呢個音樂天才嘅故事。

『或許您不喜歡周杰倫，或是很納悶他到底為什麼那麼紅，別急著刪除這信，看完或許你會很感動，對生命、親情、教養會有更不同的看法。祝福您！
周杰倫來自破裂家庭「媽媽用愛 付出一切」
周杰倫，萬千青少年為他的歌聲而癡迷、崇拜的一位天皇巨星，對母親葉惠美有著似海深情，因為在他最孤獨最無助的時候，是媽媽用溫暖、愛的臂膀支撐著他。所以周杰倫一直說，「只要媽媽高興，我願意為她付出一切！」

音樂天才破裂的家
周杰倫出生於1979 年1月，媽媽葉惠美是台北淡江小學的美術老師，爸爸是淡江中學的物理老師。周杰倫4歲讀幼稚園時，葉惠美把他送到淡江山葉幼兒音樂班學鋼琴。平時活潑好動的小杰倫一站到鋼琴面前，竟是出奇的安靜，聽老師彈奏一遍自己就能復彈出來，老師告訴葉惠美，這孩子很有天分！為了培養杰倫的音樂素質，葉惠美主張拿出家裏全部積蓄為杰倫買一架好鋼琴，請最好的鋼琴老師為杰倫輔導。而杰倫的爸爸則認為不必這麼認真，男孩子嘛，隨意一點，沒必要拿出全部積蓄投資。最後，葉惠美還是背著丈夫為杰倫買了一架鋼琴，弄得杰倫爸很不高興。小學三年級時，杰倫偶然聽到世界名曲《天鵝湖》，被大提琴憂傷淒美的曲調迷住了，葉惠美沒和丈夫商量又為杰倫購買了大提琴。杰倫爸對妻子葉惠美「孤注一擲」的做法嗤之以鼻，他回家就指責葉惠美的不是，家庭裡的溫馨越來越少，爭吵越來越多。杰倫不知道爸爸為什麼總要找媽媽吵鬧，他用自己稚嫩的詩行記下他的困惑和傷感：從小到大只有媽媽的溫暖為什麼我爸爸那麼兇，如果真的我有一雙翅膀兩雙翅膀隨時出發，偷偷出發我一定帶走我媽媽……

這傷感的詩行杰倫後來為它譜了曲，就是那首令萬千歌迷傷感的《爸，我回來了》。

周杰倫初中二年級時，父母終於離婚。14歲的周杰倫寫道：「爸爸媽媽彼此沒有愛，難道這就是生命的真諦？」沉默、倔強和叛逆已經塑造了另一個周杰倫。

世人不識君苦悶中的徘徊
周杰倫有音樂天賦，但功課卻很糟。高中聯考總分只有 100多分，連普通高中也沒考上，前途一片黯淡，母子倆相對無言，難道兒子就這麼完了？恰好淡江中學第一屆音樂班正在招生，周杰倫考上了。因為彈得一手好鋼琴，拉得一手好大提琴，又時常活躍在籃球場上，周杰倫成為許多女同學關注和談論的對象。但是，周杰倫卻常常面無表情，很少露出一絲笑容，除了音樂成績出類拔萃以外，其它科目成績幾乎全線紅字，老師們紛紛認為他智力低下，他的英語老師甚至直言不諱對葉惠美說周杰倫有智力障礙。葉惠美陷入了深深的思索，她還是決定要把杰倫培養成才，至少當一個鋼琴師吧。葉惠美沒有指責杰倫，她認為杰倫走到今天冷漠、叛逆的地步是家庭的不和睦造成的，並且深信自己的孩子沒有智力障礙，於是她嚐試用姐弟式的關心來「馴服」周杰倫，規定自己「三不」：不嘮叨、不指責、不脅迫兒子。

果然如老師們的預測，周杰倫沒有考上大學。葉惠美多方打聽後，鼓勵杰倫去考 台北大學音樂系，結果他沒有被錄取。周杰倫咬著牙考第二次，還是失敗了。媽媽和外婆外公都為杰倫的前途擔憂，這孩子究竟將來能幹什麼呢？

極度迷惘的周杰倫無所事事，只好等待服海軍兵役，這期間，竟得了僵直性脊椎炎，令人沮喪的是這種病無法根治，只能靠藥物緩解，到了晚期全身甚至會像殭屍一樣僵硬，也可能導致癱瘓。葉惠美和外婆說起杰倫就垂淚。

母愛呵護下一飛沖天

病緩解一些後，周杰倫到一家餐廳打工，作為端盤工的他因為時常打翻菜盤，每個月的工資幾乎被扣掉了一半。餐廳中有一台鋼琴，一次閒暇時周杰倫彈了一曲《肖邦舞曲》，把老闆驚呆了，老闆靈機一動，叫周杰倫不要端盤子了，就在餐廳彈琴，然後請來電視台記者炒作，不但使得餐廳生意火爆起來，還節約了一大筆請鋼琴師的費用。

葉惠美感受到了杰倫的音樂潛能，她替兒子在台北星光電視台娛樂節目「超猛新人王」報了名。周杰倫精心創作了一首歌曲《夢有翅膀》，但他對自己的演唱實在沒信心，請了一位歌手演唱。演唱者不能理解他的曲風，而他的鋼琴伴奏又顯得怪異，弄得台下聽眾噓聲一片，初出茅廬的一場表演徹底搞砸了。

葉惠美急了，性格內向的她鼓起勇氣找到了主持人吳宗憲，把《夢有翅膀》的曲譜拿給他看。吳宗憲當時是台灣阿爾發音樂公司的老闆，他對周杰倫的第一印象並不好，應付似的拿起曲譜掃了一眼，卻是眼睛一亮，歌譜不僅抄寫得工工整整，而且譜得十分複雜。慧眼的他立即改變了主意：「這孩子還可以，明天叫他到我公司來上班！」

周杰倫進了音樂公司任音樂製作助理，在媽媽的鼓勵下，每天主動幫同事們買盒飯，大家對這個沉默寡言但又勤快的小伙子有了好感。而葉惠美總擔心杰倫冷漠而倔強，又不善言辭，生怕他無意中把老闆和員工們得罪了，於是常常在下班時間站在公司門口，準備一些可口的比薩、炸雞送給員工，請他們包涵杰倫。一來二往，葉惠美對公司員工比周杰倫還熟悉，同事們都知道周杰倫有一個好媽媽。

周杰倫很快創作出大量的歌曲，但讓吳宗憲感到不可理解的是，他創作的歌詞總是怪怪的，音樂圈內幾乎沒有人喜歡。一次，周杰倫又拿著自己的得意之作送給吳宗憲審讀。這次吳宗憲連看都不看，便將那首歌曲揉成一團，隨手丟進身邊的垃圾桶裡去了。周杰倫的眼淚禁不住流了出來。

是放棄還是繼續？媽媽每天來公司門口已經成為一道風景線，如果放棄，太對不起媽媽了，周杰倫硬著頭皮支撐著，他吃住都在辦公室，以每天一首歌的速度進行創作。葉惠美每天晚上都到公司看望杰倫，望著日漸消瘦的兒子，她強忍著不讓自己的淚水流出來，儘量說一些鼓勵的開心的話，然後將杰倫換下的髒衣服拿回去洗乾淨。一連一個多月，吳宗憲每天早上八點鐘上班時，總能準時見到周杰倫新的作品。終於，他被這位小伙子的勤奮和天賦深深地感動了，他「嗅」出了周杰倫的歌曲隱隱有一種味道，答應找歌手演唱他創作的歌曲。

吳宗憲將周杰倫的《眼淚知道》推薦給天王歌星劉德華，劉德華看了一眼就拒絕了。不久，又將他的《雙節棍》推薦給火爆華語歌壇的張惠妹，沒料想，張惠妹也毫不猶豫地拒絕了。吳宗憲決定給周杰倫最後一次機會，讓他自己演唱自己創作的歌曲，如果這樣也不行，他就只好請周杰倫走人了！他將周杰倫叫到辦公室，十分鄭重地說：「阿倫，給你 10天的時間，如果你能寫出50首歌，而我可以從中挑出10首，那麼我就幫你出唱片。」老闆的話刺激得周杰倫興奮不已，他打電話告訴媽媽後就跑到街上買回一大箱方便麵。他想，就是拼了命，也要做最後的搏擊。

周杰倫熬紅了雙眼如約寫出了50 首歌曲，而且每一首都寫得結構合理，譜得工工整整。吳宗憲終於有了讚許的笑容，他挑選出10首，2001年初製成了周杰倫的第一張專輯《杰倫》。

公司對這張唱片沒抱多大希望，能收回製作成本就算不錯了。然而《杰倫》橫空出世後，猶如一場猛烈的颱風橫掃台灣，很快被歌迷搶購一空。《杰倫》一舉奪得台灣當年最佳流行音樂演唱專輯、最佳製作人和最佳作曲人三項大獎。《杰倫》的成功讓公司始料不及，讓台灣的歌星們大跌眼鏡，紛紛詢問哪裏冒出來的周杰倫？如果說第一張專輯小有成就的話，那麼，周杰倫第二張專輯《范特西》已經形成了風暴，席捲了大陸、港台、東南亞整個華語歌壇，各種大獎紛至沓來。

周杰倫終於成功了，他深深明白，沒有媽媽黑暗中明燈般的溫暖，他支撐不到今天，媽媽為他一直未再嫁，點點滴滴都是舐犢之情。他將所有的收入都交給媽媽掌管，儘管自己有了公寓，每個週末依然回家，同媽媽、外婆一起享受天倫之樂。葉惠美更是百感交集，當年丈夫的譏諷、老師的搖頭、生活的艱辛都隨風而去。 葉惠美退休後，周杰倫總擔心媽媽寂寞，只要在台灣，他都回家同媽媽住在一起。週末時，他會約上媽媽一起去看午夜場的電影，媽媽喜歡看經典片，周杰倫就陪著看，而周杰倫喜歡看的前衛片，葉惠美也陪著兒子看，幸福的暖流縈繞在母子心間。周杰倫的第四張專輯就叫《葉惠美》，這是兒子獻給母親的禮物。』

三月又開始

原來又三月啦，我又開始第二年嘅contract啦。

眼見人哋個個都有成五個月bonus，自己得個做字，真係有d……唔甘心。
點解總係比人比下去。

鼠年嚟咗啦。

恭喜發財……鼠年嚟咗啦。

今日係大年初一，又係逗利是嘅大好時機。

今日嘅累積紀錄係……$1790
多謝各位。

今日開始

今朝去咗拎牙套，搞咗成個鐘。

又要磨牙，又要鑲牙套粒，又要試帶……足足搞咗成個鐘。

仲有呀，今日就開始帶，又唔係好敢食嘢，同埋越帶越痛添呀。

要箍成九個月架。
=(

人來人往

公公離開只係幾日，心情一直都唔係太好，總係提唔起勁。

直到尋日放工，收到個舊同事peggy電話。
一個無見差不多兩年嘅同事，佢話佢喺屋企睇電視見到周杰倫諗起我，所以打比我。

Peggy舊年結咗婚，當然我都無打去恭喜佢。呢個就係積極同懶散嘅分別。
anyway，咁耐無見仍係傾吓近況啦。
一問之下，佢竟然同我講，佢星期五果日生咗個仔。
(有一個小生命誕生，一個飽歷人生嘅生命終結，都係兩日間嘅事，原來人來人往，係一件好普通嘅事。)
婚後嘅舊同事，一心相夫教子，唔洗做嘢。
好幸福嘅女人啊，就祝peggy同汝軒B都永遠幸福。

公公……願你開心快樂

二OO七年十一月十日，下午八時許。

手提電話的另一端傳來一個噩耗。
妹妹哽咽告知，公公已永永遠遠的離開我們。
猶記得四小時前探望已昏睡公公的情景及他那微微的體溫。

公公，我心目中首屈一指的好丈夫﹑好爸爸。
男人最緊要是甚麼? 是承擔。
公公是我所見最肯承擔的男人。

公公出身於一個窮家庭，有幸娶得生長於小康之家的外婆。
從此對婆婆愛護有嘉，雖然生活有點困難，但婆婆在公公照顧下，仍過著最安穩安逸的日子，而且公公細心體貼，無微不至……無可否認的好丈夫。

在公公的嚴厲教導下，一眾舅父姨媽都是正人君子；各人為人正直﹑兄弟姊妹間相親相愛，對父母孝順……

公公雖然晚年身體虛弱，但總算有兒女﹑子孫陪伴﹑照料。
但願公公從今開始健康﹑幸福﹑愉快。

我懷念的外公。

2007年11月10日

美中不足

我個新位可以話完美，因為係一個死角位，除咗坐我後面嘅大佬Billy，可以望到我做緊乜(其實，我哋中間仲隔咗個櫃架，佢一定要企起身先望到我。)，跟本就無人知我做緊乜。

可惜，我個位同時亦都係一個風口位，超大風同勁凍，我要借埋同事嘅外套著先可以擋吓風，真係要諗吓帶埋返去保吓暖。

公司搬家了

好耐無寫過blog，差d都唔記得自己有個blog添。
可能因為無咩大事發生啦，所以都無咩係非寫不可。

不過，講開都可以講嘅。
公司啱啱果個禮拜搬咗去九龍灣MegaBox啦。每朝都要早15分鐘出門口，又再次走向地鐵站同一大群人去迫地鐵。其實我真係唔係咁鍾意搭地鐵，不過去咁遠都係搭地鐵穩陣d。仲有shuttle 免費接送，所以交通都總算方便。

公司喺29樓，我個位都唔錯架，隔離就係無敵大玻璃窗，前面係舊機場跑道，遠眺到中環IFC同紅磡海名軒。望出去有山有海，真係靚絕。只係可惜我個位有D西斜，一食完LUNCH就要落返個窗簾，到個太陽無咁"殘"眼先可以開返個窗簾。有少少可惜啦。

仲有，公司有設有公司飯堂，每餐只係$14，好抵架。有湯有餸，白飯﹑茶﹑汽水仲任裝添。$14真係好抵。

但係MegaBox都無咩人行嘅，人流真係好少，雖然有好多舖頭開咗，不過唔知咁冷清嘅局面會唔會喺不久嘅將來，舖頭嘅數目會大減lu。

考琴日

搞咗四個幾月，今日終於都到啦。

一向為人都過份緊張嘅我，今日都不失一向嘅本色 -- 驚到甩肺。
有首歌仔彈到一半甩咗唔在講，喺甩咗嘅時候，我隻手震到彈唔返，唔知點(我都唔係好記得)咁彈咗甩晒果三分一首歌，慢慢先彈得返最尾果三分一。唉……
真係合格與否都成疑啦。

考完嚟就梗係心情唔好啦。
以我一向心情唔好嘅解決辦法只有一個，出血。

而我嘅首選就係去捐血站，不過，我喺兩個月前已經捐咗血，唔可以咁快再捐過。
所以揀咗第二個出血方法，行街買嘢。

今日第一個受為者當然係我honey啦，佢之前話買件背心嘅羽絨。今日比我搵到，所以就買咗比佢去旅行著。
第二個受為者當然係我自己啦。買咗咩唔方便講，但可以令自己心情好返d啦。

好大風呀

由尋晚開始，一路都好大風，但天文台又無掛風球，可能係我之前寫嘅program有問題，搞到掛唔成風。(其實我個program無咁大威力，因為天文台有成兩至三個system一路mon住d風劫風速，唔掛風只係佢嘅criteria嘅問題)

話說今日喺公司做做吓嘢嘅時候，抬頭一望，見到我對住果塊玻璃上嘅反射影像竟然不時變形，好奇咗幾秒就諗到出面嘅風真係好大風。吹到連玻璃都震。接住，就聽到出面嘅雨打落塊玻璃度啪啪聲，再加上玻璃不停震，我真係有一刻驚玻璃會爆。

籌備中

由於大件事於另一個地方繼續半公開哋繼續秘密進行，所以，暫時唔會喺呢個blog度有咩資料提供，多謝大家嘅關心。

有緣嘅你會知道事情嘅一切發展，暫時無緣嘅你遲d都會知道，無緣嘅你都會有可能比人話你知道。

一切拭目以待……

豬蹄姊妹

上個星期六，做咗我人生第一次嘅姊妹，我個best friend出閣啦。

我要幫手喺接新娘嘅時候玩遊戲。
不過，我哋班姊妹真係超搞笑，喺平台玩玩吓，比個新郎哥去咗接新娘都唔知，仲比佢反問返我哋要開門利是添。真瘀皮。但最後我哋班姊妹又真係掛住玩超低能IQ題，而唔記得收開門利是。我哋呢班姊妹淨係掛住玩。

果日一切嘅嘢都好順利。

只係我對4吋高踭鞋，著到最尾嘅時候，因為企得太耐而成隻腳腫晒。臨走要問酒店拎對紙鞋著住走，好彩果晚係搭的士咋。

喊嚟都無用

其實都唔係第一次咁同我講架啦，唔知點解我咁快又唔記得。
成日都趕頭趕命趕住去死咁，
於其話係自作孽，不如話死性不改。

抵死。
究竟幾時先知死架?

好心做壞事

當"運動日" 一blog 仍言猶在耳之時，發現老爸竟因此而腳腫﹑疼痛。

係咪我對老爸提出嘅運動建議出錯，導致以上惡果呢?!
再一次發現自己不夠體諒至親，做咗件錯事。
點解救呢?!

/_\

被拒 (二)

繼北海道第一版落空後，25亦都再次得嚟落空嘅命運。

不論118或126都無留情面地被拒。得此消息後，一向氣定神閒嘅男主"腳"，頓時亦都有少許大失方寸，並對前輩嘅苦口婆心嘅勸戒有所領略。明白到事不宜遲嘅事實。本打算為咗心頭好嘅維多利亞，將118改為228。隨後，前輩再次提點，推介特厚秘笈。大件事計劃或可於原定日內進行。

不過，前輩亦贈言，提出"專屬"建議。
而且，意見經考慮後亦被接納，於下星期六將"聘"請高明，代為選取"專屬"。

雖然計劃稍有波折及有不明朗因素，但是次可見兩人處事態度﹑默契﹑包容度，都到了一定程度嘅成熟。

大件事嘅成功指數：75分
(評語：經驗不足，宜認真多聽意見，)

被拒

星期六一早，因為小鵬打波嘅原因，我自己一個去咗國泰假期度問有關十月去旅行嘅資料。原本打算佢可以幫我搞掂晒所有我哋嘅疑慮就即時報名。無錯，我哋嘅疑慮都係大部份人普遍嘅疑慮，(我哋都只係平凡人嘛。)所以對agent嚟講係完全無難度，通通都迎刃而解。

當我正想落實報名嘅時候，大事不妙。千算萬就係算漏咗機位，估唔到係無機位返香港。吓!!咁點呀?

改日子囉，唔係點呀，唔通游水返香港咩。

所以，又要再諗過第二個日子，但原來日子都好難定。
想避開公眾假期，打算星期日去，但又預啱亞妹生日。唔同佢慶祝，怕回到港都回唔到家。所以又再延期。

現在定咗27號，比預期去多一日，六日五夜(塞翁失馬，焉知非福)，現階段比agent quote緊價。
此為人生一重要之旅行，求求你成行吧。

大人物

聽日，一個對大件事舉足輕重嘅人會返到香港，一切嘅事都會被擊起巨浪。係時候有所定奪啦。

究竟係你揀定係我選呢?
究竟係28定30呢?
究竟維多利亞式嘅裝修會否因地理位置而被仲裁否決呢?

一切好快就自有分曉

試衫時……

因為要迎接好姊妹嘅大喜日子，去咗做姊妹衫。

點解要做衫，我無問。我都係應大會嘅要求同指示。
我試衫時，著咩色對我嚟講，唔係一個大問題。但size對我嚟講係一個大問題。
我真係著唔返細碼衫啦。我真係……長大咗。而且腰圍仲有成2x吋，令人心寒。

可惜，衫已經度身訂咗。暫時身型都唔可以有大改變，直到好姊妹大婚以後，再為自己嘅幸福努力。

註：我又再一次墮入糖衣嘅謊言之中，"Honey，你相信咗你嘅一句，就令我失守。幸好，發覺得早，回頭仍不太遲，而且對你果一句'美言'已有抗體。你等住睇我努力後嘅成果啦。"

給Shermen: "不要相信愛你嘅男人對你身型嘅評語，因為對此，他比你更盲。就算不能成胡蘆，也不要成了小型大啤梨。"

上次係紅，今次係藍

人哋做test，我都做。我八丫嘛。做完test個result如下：

BLUE
Your heart-felt communication style creates peace and harmony in the workplace. You know how to bring out the best in others. As a Blue personality you are gifted with tremendous people skills.

You're a heart felt communicator who has a strong need to make a difference in the lives of other people. This strength is immediately noticeable in the way you make connections and bring out the best in those you encounter. People usually feel relaxed and comfortable in your presence. You love to build self-esteem and make others feel good about who they are. You can easily motivate and inspire people to make changes in their lives and reach their potential. This natural talent makes you excel a counselor, teacher, social worker and journalist

I am compassionate. I am always encouraging and supporting. I am a peacemaker, sensitive to the needs of others. I am a natural romantic.

I like to do things that require caring, counseling, nurturing, and harmonizing. I have a strong desire to contribute and to help others lead more significant lives. I am poetic and often enjoy the arts.

I value integrity and unity in relationships. I am enthusiastic, idealistic, communicative, and sympathetic. I express my feelings easily.

運動日

今日我抽起條筋想去跑步，(其實，係因為我大佬話我要開始減肥，想好準備。)所以，今日放工返到屋企，同亞爸亞媽食完飯，我就提議亞爸一齊去跑步。點知佢又一口答應咗，我哋就一齊去咗跑步啦。

今日係我哋第一晚跑步，只係跑咗十分鐘，之後就喺柴灣行咗一個大圈，行咗成個鐘先返屋企。
亞爸行到雙腳有d抽筋呀，我哋就慢慢行返屋企囉。

返到嚟，我d汗已經乾晒，老豆仲滴緊汗，超誇張。
我沖完涼就順手倒咗盤暖嘅鹽水比佢浸腳，浸完先沖涼。

下次都係揀星期四先去跑，因為星期五亞爸休息，唔洗驚第二日隻腳軟，開唔到車。 ^_^

一季收成

今日行完個勁人多嘅展覽。
發現彼此都係經驗不足，尚有進步嘅空間。
今日學咗嗌"停"﹑"唔好"﹑同狠心地轉身走。

是日驚喜係"20呎樓底嘅維多利亞式裝修"，讚絕(尤其係男主'腳')，心動不已。

今日有前輩指點，承繼咗份報單表。
回顧發現目標原來達到咗一半，但我哋係唔會就此鬆懈，因為目前嘅修行尚未完美，所以修行計劃有所改變，從海外回流修行。希望將風險減低，可以向住目標穩步邁進。

Hip Hip Hurray.....

第一大難題

一出招就遇到強烈嘅攻勢。
小鵬被一招: "92"，就嚇到我哋手忙腳亂。
要拎部計數機出嚟指細參詳下。
唔知我呢邊又會出幾多招呢? 拭目以待……

行程review

發現直航機最早都係九點出發，但要成下晝三點先去到千嵗。咁就無咗成朝加大半個下晝啦，所以我哋delete咗函館。 -_-噢~~~~

函館夜景，我下次先嚟見你啦。

行程編排

plan咗……五日四夜
plan咗……先去"登別"﹑路過"洞爺"﹑再去"函館"﹑返上"札幌"﹑回馬"小樽"﹑最後"札幌"回歸。
plan咗……唔駕車，唔洗驚。
plan咗……

變幻

"知否世事常變 變幻原是永恆
此中波浪起跌 當然有幸有不幸
不必怨世事變 變幻才是永恆
經得風浪起跌 必將惡運變好運……"

今日心血來潮，(不如話星期五唔想做嘢比較正確)，一路keep住update住個恒指。每refresh個page一次，個恒指個net change 就越嚟越大，係跌幅越嚟越大。其實我想佢跌咗好耐，(唔係我黑心，只係咁我先有機會同人爭一日之長短)，可惜一個人嘅期望有限，我一個望跌時，百幾二百萬人望升。所以，恒指喺臨收市果一個鐘，由跌12xx點跌幅收窄至跌28x點。唯有嘆句"命裡有時終需有 命裡無時莫強求"

除咗外身物外，今日仲有一件好接近死亡嘅事發生喺我身邊。
今朝一早亞媽收到喺大陸工作嘅大舅父電話，佢話佢啱啱收到亞公電話，亞公話自己喺屋企跌倒，大舅父叫亞媽去睇吓亞公喎。
下晝我再收到亞媽電話，亞媽話佢同咗亞公入院，亞公個頭穿咗，聯咗六針，而家喺醫院留醫。我放工同埋小鵬一齊去咗探亞公，佢要用氧氣幫助呼吸，唔可以落床。但亞公佢就最怕住院，我去到就一直見佢好似饣朋友咁，扭要落床，扭要做運動，扭要返屋企……搞咗一輪，喺佢太激動嘅情況下，佢就開始氣喘。情況仲越嚟越唔樂觀，眼見護士急call醫生之餘，醫生又將亞公轉去緊急病房，就忍唔住埋去問吓醫生亞公情況點。醫生好凝重咁同我講"伯伯條氣好速，我哋而家同佢做急救，你通知定家人。然後，慢慢行返去休息室，亞媽問我醫生點講，我唔敢肯定自己聽到嘅嘢，又怕自己誤會醫生嘅意思，我望咗小鵬一眼，就同亞媽講醫生叫我哋通知家人，跟住我就已經忍唔住d眼淚。我打比上咗大陸玩嘅亞妹，亞妹就立即落返嚟。

幸好，係急救完之後，亞公嘅情況都穩定d，但因為亞公太扭計，醫護人員就唯有綁住亞公對手。眼見亞公又要瞓床，又要戴氧氣罩，仲要比人綁住，個心真係好d心痛。

意料之外嘅答案

繼喺機場，鵬媽目定口呆得個窿之後，鵬爺同鵬爸首度攜手呈獻。"反客為主之嚇到傻"

鵬爺尋晚同鵬爸商量咗一件事，鵬爸嘅答案真係嚇死我哋呀。

不過，我都知係佢老人家一番好意。雖然我哋兩個都有d抗拒，但都要諗吓點樣去同鵬爸講好。

籌備中……

十月打算去旅行，同Billy大佬備咗案架啦。佢話都應該無問題，咁我一於疊埋心水，準備我嘅十月之旅。

我哋打算過去自駕遊，而司機呢個位置就梗係非我莫屬啦，因為鵬爺都無車牌嘅。不過，我哋都有一樣嘢好擔心，就係我考完個車牌咁耐都無掂過堂軚，係咪要去補返d鐘好d呢。我今日打過去問價啦，補鐘一堂都要成$150，仲貴過我果陣學車。我一問完，立即向鵬爺報告，大家都覺得有未見官先打八十嘅感覺，所以都係再諗諗先決定。話唔定要取消自駕遊嘅念頭啦。

講真，有得駕車，我都幾興奮架，不過講到有另一個人條命喺我手啦喎，我就有d保留。我真係擔當唔起。話晒佢而家仲係人哋個仔。我真係賠唔起呢。

除咗駕唔駕車呢個問題，仲有行程嘅問題，我哋諗住過去自由行呀。雖然唔識日文，但join團嘅自由度實在係……"無"呀，所以唔鍾意做鴨仔嘅我哋，就揀咗自己團。所以，而家就好努力咁去lan行程嘞。

人都癲呀

又一個月無寫blog，無他，都係OT之過。係overOT嘅情況下，一般人可能覺得我已經仙遊，但其實我只係被軟禁啫。雖然係咁，但我喺呢段日子，仍然做過幾件大事。

一）慶祝我嘅生日，對我嚟講，生日係大過天，一定要慶一慶。
二）同一個朋友聚舊，唱ｋ唱到四點。佢嚟咗，又走埋，同柏布一樣，話嚟就嚟，要走即走。
三）決定一件係呢三件事裡面最大件嘅事，但我而家唔講係咩住，呢個係一個”暫不能說的秘密”　＾＿＾

當然，我第一時間去捧咗我頭號偶像周杰倫場啦，”不能說的秘密”已經成功征服咗我嘞。唔好問我好唔好睇，係我眼中，我鍾意嘅人永遠係最好嘅。愛，係盲目架嘛。　哈哈哈……

仲有呀，我仲去咗捐血，不過今次都係難逃瘀晒嘅厄運，今次仲要兩隻手都瘀晒，下次都係要聽聽話話，飲足三杯水先好捐。

講返今日，今日終於都掛咗三年嚟第一個八號風球啦，有得早收工。ｙｅａｈ~~柏布萬歲早收工萬歲。好彩，我真係早返屋企，我無遇到勁迫嘅情況。對我嚟講，一d都唔混亂，只係打風搵唔到人同我去玩，有d失望囉。

Mike少 farewell party

其實，Mike少係我其中一個同事。佢上個月尾contract就已經完左，但我地今日先同佢farewell。因為天時暑熱，都唔知去咩地方玩好。諗到無得諗，我只好自動請英，提出上我屋企玩，大家打麻雀啦，打PS2同玩pictionary。

一行七人，因為唔夠腳，所以只係開得一檯麻雀，其他三個就去玩PS2。但我地實在打得太慢，4圈都打左兩三個鐘。打完4圈，大家都係決定大家一齊玩，跟住就埋單，我竟然輸囉，真係黑仔。呢個就係我唔鍾意係自己屋企打麻雀既原因，次次都輸架。

麻雀唔好講，跟住我地就一齊玩pictionary。我地一玩就玩左五個鐘，玩左成三四輪。由分組變成個人鬥快估。勁好玩﹑勁好笑﹑我發現女仔係玩得叻d，可以女仔既想像力豐富d。每次畫左少少，女仔就會好快估到。同埋，可能大家都係IT人，諗既野都幾相近，就算係分組畫，畫既野都係差唔多。大家都有D心靈相通呢。

有能力就有價值，關於愛情我們都無能為力

某朋友又陷於感情破裂邊緣，痛不欲生。真係"想開口又沉默 想分手 又難受"。另一半唔能夠作決定，只好自己為呢件事作個抉擇，雖然不情不願，心結畢竟打唔開，只好自己抽身。

我明白感情事係令人失去理智，唔到人去扮堅強，因為對住自己鍾意嘅人，每個人都係貪婪﹑軟弱﹑固執…有得揀嘅唔會選擇放手。但世事豈可總如人意，你一直好盼望嘅，當你得到手，原來又係另一回事。感情…往往會誤會而結合，因了解而分開，咁樣嘅結局每每都只係帶嚟無限嘅難過。

拍拖，本來就係將一個人嘅開心放大一倍去感染另一個人。如果得出嚟嘅結果係兩個人傷心同難過，根本就係違反拍拖條例第一條(上半條)。咁嘅愛情終有一日遭到淘汰……

現請在坐各位謹記雯雯拍拖守則:
一. 要開心，也要真心
二. 要放任對方，也要克制自己。
三. 要愛對方，也愛自己
四. 要忠於自己，也體諒對方
五. 要有自己嘅思想，也聽對方意見
六. 要時時糖"痴"豆，也要有私人天地
七. 要努力工作，也要一齊食晚飯
八. 可以鬧交，但唔可以記仇
九. 可以口角，但唔可以動武
十. 可以彈三彈四，但唔可以惡意批評
十一. 可以擅用權利，但都有義務
十二. 可以私約朋友，但要事先上奏
十三. 可以比你做皇帝，但我都係皇后(人人平等)

幸福與你同在。 ^_^

令自己開心嘅方法 之一

做一d自己平時唔敢做嘅傻事，喺無人知嘅情況下，令自己開心應該係最簡單嘅快樂吧!

街機﹑遊戲機

尋日，小鵬抽起條筋話想食tea buffet，我諗住銅鑼灣多酒店可以多d選擇，但去到銅鑼灣行去維園對面果間酒店，佢地得lunch buffet，無tea buffet，唯有去第二間啦，可惜由於天氣太熱同太曬，小鵬行左一個街口就成個人溶左。最後，都係決定去唱個k-tea算，下個星期等我再origanise過先再去啦。

唱完k，行左一陣街，見到附近有一間樓上機舖，我地都手痕，所以就上左去試下個新場。個場真係好新，但d game就一般啦，勝在唔多人同無煙味。都係決定係果度流連一下，玩左一陣岩亞妹話過黎join我地喎，咁我地就繼續打住等，佢黎到好敷衍咁同我地玩左兩舖time crisis同手指指之後，見亞妹都唔興奮，我就迫左佢去同我打泰鼓，開始有d反應啦，唔好比佢停，再拉佢去玩籃球機，初時係我地兩姊妹對小鵬一個鬥高分，小鵬比我地兩姊妹既"車輪手"打到無"訂"抖。最尾，我地三個人兩個兩個輪流比賽鬥高分。嘻嘻…單睇身型，我簡直就係輸足一條街呀，但係事實証明，我先係得分最多果個呀。啊啊啊YO-HOO…失禮晒。可惜，都係樂極生悲，我因為唔夠高，係射籃既時候，彈下彈下彈到一個膝頭哥撞左埋部機度，而家個膝頭哥瘀晒。好在我都係一個好瘀得既人，小小瘀傷難唔到我既。雖然係有少少傷，但我同亞妹都係玩到唔願走，小鵬差d要拉一個抱一個先可以出到門口。

繼尋日去完打街之後，我今日就有新既wii 玩勒。因為小鵬佢join左bbtv，所以就換左部wii返黎。就係咁佢陪我學完琴之後，一齊去左旺角度拎部wii，再順手過埋好景度改機同買game。去到改完機試時候，比個老細嚇窒左我地，佢好鄭重咁同我地講左幾次，重覆又重覆咁同我地講，部wii每次買隻新game返黎第一次玩，都會叫我地更新。但要小心，因為部wii係日版，如果唔小心用左隻美版既game去更新，部機就會比佢lock死左。由於lock死既原因不明，老細話lock就之後而家係未有得解，所以部機就會被判死刑。佢咁講一講，真係嚇死我呀。所以，各位鄉親父老，叔伯兄弟，大叔大嬸，真係要黎玩既時候就要提高警覺，加倍留神，萬分注意啦，面斥不雅嘛。 = ) 包涵包涵﹑有勞有勞。

勁有potential升級到鑽石嘅王老五

尋夜同一個都唔記得幾耐無見嘅朋友傾電話，唔記得幾耐嘅原因，因為我哋都唔會留意幾時先會見一次，我哋試過三年無見，我哋試過同居咗一個禮拜多d，我哋又會失驚無神有一排成日見……總之就無一定嘅pattern啦。但我哋一d都唔介意嘅原因，係因為每次見返都唔會有生疏嘅感覺。

尋晚我哋又傾咗一陣電話，原本係約食飯，但因為太耐無見，尋冕傾得比較耐，交代吓大家嘅近況咁啦。

我一向都好欣賞呢個friend，佢係我補習時候識嘅friend嘅舊同學，但我就同佢比較熟，比較傾得嚟。初初識佢完全係一個大細路，留學英國嘅佢，同香港見到嘅男仔完全唔同，感覺上就係比較gentlement。機於禮尚往來嘅槪念，我亦都比較照顧佢。

其實，佢算係一個頗完美嘅人，但有一樣嘢我比較擔心佢。由我識佢到而家，呢位人兄一次拖都未拍過。感覺上佢就好似一個唔識付出感情嘅人，可能係佢眼角高，可能係佢未遇到一個令佢肯付出感情嘅人，可能係佢仲未學識點解愛人……所以，我好擔心佢，會孤獨終老。

雖然我有諗過介紹我身邊嘅女朋友比佢識，之不過，
第一: 我又唔想做媒人(媒人好難做架…)
第二: 男女之間嘅事，要有eel嘅話，就算隔幾遠都會遇到，旁人就本就幫唔到。
第三: 我其實都懷疑過佢會唔會係唔鍾意女仔。(我尋晚問過佢，佢係鍾意女仔嘅，咁我都放心d)

一個事業有為，有車有樓，樣貌端好嘅男仔，唔急住搵女朋友，一定有佢嘅原因。講真，再過多五年，我可以寫包單，佢一定係一個搶手嘅鑽石王老五，到時就可以慢慢揀啦。 ^_^

Training Day 3

今日lunch去咗行書局，見到一本近期好鍾意嘅繪本出到第三冊啦。本繪本叫"150cm life"，我完全覺得我應該收佢版權費，佢入面嘅故仔每一個都有喺我身上發生。

今冊有一個故仔，我一睇完就真係忍唔住笑，因為呢件事之前真係有發生喺我身上。

話說，中學時期每年開學都要去影學生相，但我成日都會唔記得，有一次喺返學第一日我去咗地鐵站度影即影即有。即影即有嘅櫈係可以氹氹轉咁轉上轉落，調教高度。果次去影相嘅時候，我一坐落張櫈度，就即刻彈返起身，因為坐咗落去之後，個高度唔夠高，要調返高張櫈先meet到個高度，咁我就轉高咗佢兩圈。再坐返落去，都依然係唔夠高，又再爬返落嚟，再轉高d，諗住轉多幾個圈轉高d張櫈，一路轉一路轉，張櫈就喺呢個時候比我轉咗出嚟跌咗落地，發出巨響，嚇到我眼都大埋，啦啦聲拾返起張櫈反方向轉返佢入去。

最後，我都係無坐喺度影，只我將張櫈再次轉返最矮，好似日本人咁跪咗上去，就返個鏡頭咁影，影完張相就奇奇怪怪咁無咗條頸。

所以我而家去影証件相都會去影相舖影，有人serve我，唔洗咁"呢 hair"。

今日見到同樣嘅故事出現喺呢本繪本，先知原來我並唔係唯一嘅細粒人，遇過呢d細粒人先會遇到嘅問題。

以前，我都會好介意自己太細粒，但大大吓發現細細粒都幾好呀，起碼我從來都唔需要低頭做人，因為我從來都唔會比嘢撞親頭。 =)

Training Day 2

今日係第二日嘅training，今朝早咗三個字出門口，遲少咗三個字。

今日講嘅係configuration，其實佢講嘅嘢一d都唔新，我做cast個project都一路用緊。不過，聽咗都無壞嘅，等自己再熟d啫。

自從上咗u，都好唔慣叫miss 同亞sir，除咗警察之外，對咗個tutor成日都唔叫佢個名，梗係覺得好生外。放學果陣，我終於都忍唔住問咗佢叫咩名。搞到佢以為自己無介紹過自己，我咪同佢解釋因為我尋日係late-comer，所以我都唔sure佢有無介紹過自己。但佢最搞笑嘅係，佢聽完我個reason就點咗吓頭。但都唔打算講自己個名喎，我望咗佢一陣見我仲等緊佢自我介紹嘅時候，佢竟然同我講佢個名我唔會識讀。我有少少嬲佢睇小我，不過佢接住講完佢個名之後，我就真係掹大個口得個窿，我淨係聽到佢叫"nam.........."。跟住，我就"nam.........."，佢笑笑口同我講，叫我以後叫佢做"nam"就得啦喎。真失禮呀。 =p

今日lunch無人陪我食呀，不過唔緊要我早有準備，我帶咗本張小嫺去睇。我一路食飯，一路聽歌同睇小說。我一個人坐咗張4人枱，坐咗一陣，開始多人食飯，有個姐姐仔埋嚟搭枱，佢又係一個人，又係拎住本書同用headphone塞住對耳仔，咁我哋兩個就各據一方咁睇咗個零鐘頭嘞。我都幾無賴。

無咗工，諗住去買"神奇4俠"星期五嘅飛，點知未有得預售，我都佑預售只係3日，但我尋晚真係喺網上面睇到有星期四嘅飛賣，咁尋日預售星期四，今日預售星期五都好正常啫。點知佢就係無得賣喎，搞到我好似好一廂情願咁，又做咗件傻事添。

行咗一陣，個天又開始落雨唯有搭地鐵上返中環，因為約咗同事一齊去睇"愛情回水(cash back)"，因為我另一個同事highly recommend，所以我哋一行三個女仔就走咗去睇嘞。(女仔真係易呃呀)不過，套戲都真係唔錯，一套愛情小品啦，都睇得幾舒服。但有一樣嘢仲吸引我嘅就係我終於都見到周杰倫做導演果套"不能說的秘密"嘅poster同trailer啦。yeah~~不過，講真(我咁鍾意佢都係咁話。)佢扮呢個高中生真係好無說服力囉。