我生日後的第八日

我生日後的第八日就係亞花生日勒。今日我地幾條女出左黎食飯，仲有家偉添。家偉咁耐無見，一次過同我地三條女慶祝晒生日。今日既topic係工作﹑男朋友﹑讀書同前景…好"行"。不過我確實同佢兩個有唔同既諗法。

佢地覺得工作係提供一個比你識多d唔同既野既地方，所以佢地不停轉工，或者叫做不停搵更好既工作環境同代遇；我就覺得工作係職業，係一生一世。工作環境係自己創造，我係公司既一份子，我有責任同佢共同進退﹑共同成長。

讀書，佢地覺得讀master係目前一件好要緊既事。因為一張紙 -> 可以有份好d既工﹑因為可以擴闊人際網(呢一點係我唯一認同)。但我覺得讀書老套d講句係要增加知識，但香港既教學方法做唔到呢一點。所以，比錢去讀書，不如自學。

前景，係一個頗遠既題目。大家都未有經濟基礎。但我地約定五年後一齊搞糖水舖，因為本少利大執得快。仲要上市添。係荒謬左d，但係總算有理想嘛。

之於最後…男朋友，佢地覺得肥仔已經好好。我唔可以太過苛求。可能佢地岩。但我唔係覺得佢唔好，只係佢可以更好﹐只要佢再努力少少，aggressive少少。不過同時佢地講左一點，我真係忽略左，佢地話比我聽肥仔從來都係最支持我﹑關心我﹑忍讓我﹑佢地都話我脾氣唔係好，仲有邊個可以好似佢咁就我。你個真係事實。Even係Michael，佢都係細個無知時先會對我好，比佢真係同我再一齊，佢都唔會再忍得到我。

我終於知道…

我終於知道老細嬲乜鬼啦。原來果日二奶係老細屋企影相影得好開心，老細都無鬧過佢。點知二返到黎又頭"doup""doup"咁返黎，又同Marc講佢做錯野好唔開心。Marc 以為佢比老細鬧，所以去左問老細發生左d咩事。所以就整嬲細細。梗係啦，老細原本覺得果日大家都好開心，點知佢返到黎咁既樣，搞到老細好似對佢好差咁。老細話覺得佢成日都要人地注意佢成個細路女咁，但又唔比心機做野，成日過份興奮，body language 又唔好…係都因為誤會所致。Marc又好心做壞事，佢今日都好hurt 呀，明明想幫人，變左害人。老細好先入為主，佢覺得係咁就咁，所以我都唔知點幫到二奶啦。

老細，做咩發咁大脾氣呀?

老細，做咩發咁大脾氣呀?今朝老細同老闆娘返左黎公司，好正常者。
佢地一入黎就叫左我去meeting room，問下我
i) 咩係exercise option？
ii) 咩係assign option？
iii) exercise左同assign左之後，咁option會變左做咩？
iv) 咩係option呀？
v) 點解 deep-in-the-money果陣要exercise 左d option呀？

ans:
i) When Option expired, buy option will be exercised to buy the underlying commodity.
ii) When Option expired, sell option will be assigned to sell the underlying commodity.
iii) futures
iv) Option is the right to buy the underlying futures
v) When the option is deep-in-the-money, it is costing a huge amount of money. No one is willing to pay that amount of money to buy the option. Therefore, the trade will convert the option to futures and sell it as futures to get the money.

就係咁，比老細訓話完，叫我讀多d書啦。
除左咁，老細仲開始叫我登廣告請人，佢地話請個programmer，咁我就可以全職做晒trading勒。但唔知做乜講講下，佢同Noelle又嗌起交上黎…-_-" 搞咩呀？但我見佢地講既野係鬧緊二奶。佢又做錯咩呢？等老細佢地出左去，我去問二奶做左d咩激嬲老細，佢又話無喎。搞咩呢？

今晚同u班同學仔食飯，見到Robin個人有d唔同左。原來佢去左上一個course，令到佢對好多野都改觀左。同佢傾既時候，開頭覺得好神奇，一個course幾日既時間，可以改變一個人。越聽越覺得感動﹑感觸，以我既性格梗係又忍唔住係佢地面前喊啦。真係羞家。不過，Robin話唔洗介意其他人點睇既，你都係做返你自己者。喊都唔一定係壞事丫。聽完確係個心舒服左，所以仲喊得仲勁左。 :p

Definition of "Delta"

Definition of "Delta": Delta is the amount by which an option's price will change for a corresponding one point change in price by the underlying entity.唔明呀?我都唔明，不過老細就話，delta可以睇成係我地現有既options 相對而家既market 黎講等如有d咩futures in hand.
Anyway,我唔知有邊個明啦。都我都可以get到少少既。如果係咁以後mon住個市就會易d啦。起碼都知要講d咩比老細聽嘛。大佬，一個人mon 7隻commodities，你估真係易架~

VISUAL STUDIO .NET

VISUAL STUDIO .NET終於都係買左visual studio.net。原先只係諗住買visual basic .net，但間間shop都話無貨，老細又趕住要喎，唯有買visual studio啦。都係五千幾蚊je。

但我的確係好擔心，點寫好呢。

DB -> 食飯 -> 激氣

DB -> 食飯 -> 激氣…呢三樣就係我今日所做既事勒。今日一早入左DB睇左八間屋，睇到我都有D唔知邊間打邊間，好在有影底相je。啦，頂唔順都係走啦。臨走先發現唔見左張八達通，十成十係坐住架golf 車周圍去果陣跌左啦。死勒，我張卡係自動增值架，比人拎左去用就死啦。咁我咪立刻打電話比報失囉。唉… -_-"…真黑仔啦。無晒心機添。

跟住去左同肥仔食lunch。我本身諗住今晚同佢屋企慶祝佢亞爸生日。啊，點知佢亞爸唔得閒，無食到，只係同肥仔﹑肥仔媽﹑肥仔妹同肥仔妹夫去左食元氣。本身佢地話要叫pizza hut外賣架，好在肥仔佢夠power，佢話食元氣，大家就去食元氣。梗係我都唔食pizza既，算佢知機啦。

臨走出左旺角行左一陣，買左件衫同條裙，我覺得都幾靚丫。點知返到屋企試既時候，亞媽又係度彈三彈四。成日都係咁人地買親咩都話唔好唔靚，又話人地晒錢。激死呀，唔買都買左返黎啦，讚下我咪可以著得開心d囉。激氣呀。

生日翌日

生日翌日，發現年年我生日都會打長途電話比我既friend，今年竟然無打比我，嬲嬲地，但又擔心佢有事。今朝起身想打比佢，點知係icq度撞到正，佢大鑊啦。我劈頭第一句就係"你知唔知尋日係咩大日子呀?夠膽唔打比我。"佢即刻話佢有呀，仲不停咁打左好多次添。淨係今朝都打左兩次啦。啊，唔通係我尋晚睇戲熄左電話果陣佢打比我。噢，你真係唔好彩啦。跟住佢搞掂埋少少野就打比我講電話。佢同我真係無所不談，由以前我鍾意邊個呀，拍拖拍成點呀，都會講得一餐。大至人生大事，小至食飯訓覺都會講。衰得佢呀，成日都話我仲有後路，點解唔可以係前路者。都係唔好啦，做人唔可以咁貪心既。不過佢都講得岩，有咩都要去爭取，試過都總好過無做。同埋，要珍惜眼前既人。

今晚果集"鋼之鍊金術師"，哥哥做左一d野令到我發覺我地睇人有時太過著重人既外表啦。愛德華‧艾力克佢將無軀殼只係得靈魂依附既鎧甲都當成人。因為佢細佬都係同一類既人，佢只係會用一套方式去對代佢身邊所有既野。唔似得有d人，會見人講人話，見鬼講鬼話。我咁鍾意睇"鋼之鍊金術師"都係因為佢地有每件事都有一份堅定不移既信念，佢地有佢地一套既真理，你可以唔認同佢地，但你唔可以去改變佢地。仲有，佢地既兄弟情確實係令我覺得好感動。我仲記得細佬有一次同哥哥講，佢有一個願望就係可以再一次感覺到哥哥既體溫。係佢講呢句野之前，我真係無諗過可以感覺到其他人既體溫係咁幸福架。

Trade 咁多隻commodities…

Trade 咁多隻commodities…今日一返到公司，已經遲左三個字勒，鬼咩都係地鐵唔好啦。機件故障，站站停鬼咁耐先開車，唔遲到就假啦。返到去，啦啦聲check email啦。嘩，乜老細尋晚trade左咁多隻ommodities既，有crude oil 啦，有gold啦，仲有soybeans添。今日條數就"襟"計啦。不出我所料，真係計到成十二點呀。

人地今日生日嘛，諗住老細會記得，我會好似二奶咁有花收啦。我車，得二奶一個記得咋。今日公司仲要得返我同佢，最後都係得佢同我慶祝，佢請左我食lunch。諗住就咁會係公司過左半日生日啦。點知兩點幾Marc返到黎，話我有d野廡話佢聽，講乜呀佢，咁早就飲大左啦。之後，佢同老細講完電話，就趕我同二奶一齊入西貢。又咩事呀？今日無野發生過丫，老細又要鬧人，無理由格。諗黎諗去都覺得自己今日無做錯野，無理由會比人鬧既心情，(即係本死既心情)，入左西貢。入到去先知原來佢地同我慶祝生日呀。事實係Marc，Leslie同Noelle都唔記得，係Marc食完lunch返到黎，係reception撞到Malesa佢話比Marc知架。遲知都好過唔知啦。嘻，有蛋糕，有禮物，not bad。

因為係老細度食果個蛋糕食唔晒，佢地叫我拎返喎，咁好啦，食得唔好晒。我雖然唔係蝗蟲，但除左我之外，我成家都係。有佢地實食得晒既。

夜晚同肥仔出左銅鑼灣慶祝，佢真係送左個O2 Xphone II比我呀。其實，我都覺得部機好貴架，但佢又話要買喎。不過我都真係好鍾意。最鍾意都係佢好有心思咁係個wallpaper度set左幅happy birthday既相上去。我見到果陣，真係勁鍾意呀。佢尋晚仲幫我叉埋電。都算佢細心啦。~加分~

食完飯去左睇"神奇四俠"，跟就返左黎屋企，食亞媽一早幫我預備既生日蛋糕勒。但亞媽竟然買左個粟子蛋糕，乜佢唔知我唔食粟子蛋糕架咩。 -_-"

我一個人

我一個人今日放左工之後去做Gym。諗住去試下利舞台果間Physical，諗住食左飯先去啦。一個人去到銅鑼灣係就係好肚餓，但又唔知食乜，又得我一個人，行下行下，兜左兩個圈，都未諗到食乜。求其去左南記食粉，但食左一半又食唔落。唉…食野都係唔岩我架啦。所以都係去做Gym算啦。第一次去果度，果間野好騎呢架。樓上係exchange room，樓下係gym room，d 器械放晒係牆邊，room中間就係跳aerobic既地方，無房架，就咁係中間跳架咋。但真係有好多人跳架。可能只係得女仔啦。d人咩都唔介意既。連續做左兩日Gym有d累呀。但係都無輕過，失敗。

大風吹

大風吹……台灣今日比颱風吹襲，個風好似叫"海棠"，又好似話係五年黎最強既颱風。本來都唔關我事，無咩感覺。但放工返到屋企，係電視睇到個風真係好勁，見到個新聞報導員比一塊吹左落地既招牌打中，忽然間醒起Billy(我大學同學)好似成日都係台灣果邊做野架播，所以send左個sms比佢。希望佢唔係台灣啦，又希望就算佢係台灣都無事啦。

一直以為……

一直以為肥仔係一個無咩衝勁﹑極之被動﹑無慾無求既人，但今日同佢講左兩個鐘，先知道佢都有好多野想做，只係佢無講出黎，唔係一d會發夢既人。原來佢都想買間大屋﹑去睇NBA﹑去迪士尼(我諗唔只係香港果個卦)……等我仲成日覺得佢咩都唔想做，只要留係屋企佢就會好開心。而家我開心左啦，因為我都發覺淨係留係屋企睇電視既唔會係我想要囉。我想買一架私人飛機，咁我可以周圍飛，當然要去學駛飛機啦。仲有，我想有個牧場，養好多馬。呢d都算係有可能實現既夢想丫。

新加坡之旅 後記 I

新加坡之旅 後記 I:
i) Margin / 亞妹 print-out
十點要飛，仲諗住計埋d margin先走，所以今日就一早五點起身返公司計數。點知亞妹又話佢想print野，但又嫌屋企部printer print得唔夠靚，所以就跟埋我一齊返公司print。點知返到公司發現未有trade detail，諗住打比老細叫佢send個dile比我啦，佢話佢地布吉果邊power saving，夜晚無電喎send 唔到比我，叫我唔好計。但我又覺得唔做完野先去玩個心點都係唔安落。咁只好等chicago收左市(即係香港既六點)，用果邊既data同hamish send 比我既email去計數啦。係等緊既時候，就係亞妹print野既時候。點知佢都唔知搞乜鬼，佢個file 係word度都開唔到既。只好拎返d 相再整過啦。做完試print啦，又話個張相唔夠大，又話再arrange過。好勒，到真係print果陣，個printer又無墨。果時已經六點半啦，我趕住計埋d數，七點九要走啦。事關我平時一計都要成個幾鐘，真係好驚趕唔切。諗住叫亞妹換墨再print，點鬼叫佢又唔識換，又係我黎。換墨又有幾難呀，你唔係係呢個時候扮cute呀！？最後，又係我黎搞掂。唉……開始計數勒！老細，你搞乜呀？乜咁多trade既，咁多new position，仲有new commodity添。拗底添。唔知頭唔知路計錯咪死。係咪都要計架啦，死就死啦。最終係七點半，係trible check完之後，都仲係唔係好有信心下send左比老闆。希望唔好有咩"三長兩短"啦。
ii) 後備甜心
上左機，本來都想睇埋果本"Tuesdays with Morrie"，但又多心想睇下有咩電影睇喎。轉轉下台見到有林嘉欣喎，唔知咩戲呢！？咦，"後備甜心"，未睇過喎，書可以去到新加坡得閒或者臨訓前睇者。好啦，呢程機就睇林嘉欣啦。不過套戲係傻架。林嘉欣傻到放假狗，鄭伊健傻到同隻假狗做人工呼吸，諸如此類，諸如此類……
iii)日本vs印巴
落左機準備入境，都唔知點解會有咁多人去新加坡架。d隊條條都排左十幾廿個人，無辦法啦，都要排架。係排隊果陣，見到隔離果條隊有四個印巴兄弟姊妹圍住個日本男仔，大家都係五六歲度啦。咁d印巴小朋友想同個日本男仔握手表示友好啦，佢地一人伸左一隻手出黎準備同日本仔握手，跟住你估下個日本佢有咩表示？佢出左剪呀，呢局係日本仔勝。
iv)表哥 Hello…Hello…
好出左機場，因為我同二奶嫌搭的士貴，又想睇下新加坡，所以我地就去左搭巴士勒。係等巴士果陣，諗住打個電話比Terry表哥報平安先。電話一通，"Hello." "表哥，我係雯雯呀。" "Hello...Hello..." "Hello, can you hear me?" "yes" "我係雯雯呀。" "Hello....Hello...." -_-" 你又話聽到仲蝦咩佬呀。"Hey, it's Shermen's speaking. I am your cousin, Shermen. I have arrived in Singapore now." "哦，你係雯雯呀。咁快黎到啦，唔係聽日咩。我而家返緊工呀，你住邊間酒店呀……" 就係咁我同年少撞聾既表哥傾左一陣，同約好聽晚食飯勒。
v)Leslie's call -> 低低地
搭巴士去到Singapore Marriott門口，都已經五點。即係落左機三個鐘先去到酒店。正想行入酒店，我就電話響，噢，老闆打黎添，大鑊，肯定問我做咩唔打電話比佢啦。但佢話check-in先打比佢嘛，我都未行入酒店。一喂老闆就問我地係邊，真係問我做乜唔打比佢。咁我咪老老實實咁同佢講，話我地去搭巴士囉。點知佢有d嬲咁收左我線。咁我唯有check-i之後再打返比佢啦。老闆娘聽，佢話老闆擔心我地有事，三個鐘頭都唔打黎。仲話我同二奶都低低地既，留返d時間去玩仲好啦，都唔知我地做乜，所以去到新加第一日，比人鬧。
vi)廁所既上半身
比人話完down down 地，諗住去廁所洗個面啦，當我行入廁所果陣，見到有個上半身係廁所入面行過。嘩一聲，行返出黎，執緊野既二奶問我咩事。我話我比個廁所嚇親呀。佢唔明我講乜，行左過佢廁所睇下，當佢行到去門口，佢都嘩左一聲。連佢都嚇親呀。鬼咩，廁所入面有塊鏡向住個廁所門口，個背脊就係個鏡度出現啦，係因為廁所個門口亦都對住另一塊鏡，所以一行入廁所就會見到自己個背脊就係廁所裡面出現。其實，係自己嚇自己，但確實係好嚇人呢。(因為我長頭髮嘛!所以果晚我訓覺都著住燈。)
vii)book shop -> 冬陰功 -> condom house -> buy Ez-link
放低晒d行李，比老闆話完，都係出去行下啦。因為要係老細黎到前搵到一間好大既book shop。所以落樓下問左個reception，原來都好近，所以行去睇下。真係好大呀。第一間叫做"Border"係酒店對面。好大間。第二間要行遠少少，叫"kinokuniya"。呢間真係好大間，係頭先果間既兩倍。入到去迷左路，要睇返果度既地圖先出得返黎。
睇睇下書，就覺得有d肚餓，跟住去左搵野食。二奶話佢想食沙爹，咁好啦，去左食泰國野，叫左一兩個麵﹑一個沙爹，仲有一個冬陰功。果冬陰功黎到，咁稀既。點知我一飲，辣死我啦。二奶唔信喎，佢又要試，最後，就有兩隻唐老鴨係果度走勒。

都諗到架啦~

都諗到架啦~老闆娘點會放過我丫。今朝老闆娘係布吉打電話返黎。問我聽日去左新加坡咁d margin邊個計呀。(-_-")你叫人去咋嘛。我都預左聽朝要返去架啦。無諗到佢咁同我講者。咁我咪話，我會將d email forward去我自己個email account。點知佢又話，"你咁樣點得架，果d係公司既文件黎架嘛。你都係等Marc去到拎佢部:aptop去計margin同收stmt啦。"哦。 -_-" 早知就唔去啦。又要我帶晒d野去新加坡，係香港咪好地地囉。真衰。死啦，真係好擔心聽日會帶漏野上機添架~

今日個市係咁升。老細就梗係賺啦。我d 英鎊同YEN呀。我仲未DOUBLE UP架，唔好升咁快啦。激氣呀。又MISS左個CHANCE又唔知等到媿時啦。

想點呀~

想點呀，老細。九點鐘打黎，又話個file唔updated，咁我咪check一次，send過個比佢囉。
send完佢問我而家係邊度，佢有野要同我講問我得唔得閒。你係老細，我點都話得閒架啦。咁我係Gary屋企，咪照直話佢聽囉。跟住佢話我唔方便講野，唔可以而家傾。下?老細，你又想同我講咩呀?你唔好再嚇我啦，我心血少，唔嚇得架。有咩咪一直講囉，又要我等多一晚，我今晚實訓唔著都得啦。
我一路行去搭巴士，一路同Gary講，"死啦，唔知老細又想同我講乜。今晚實訓唔著都得啦。"佢就同我講，"你覺得你老細會講咩丫?其實次次都係你自己嚇自己者。唔好諗咁多啦。"都岩既，我確實係好驚老細發脾四拍檯鬧人。但佢要鬧既話，都鬧左啦。以佢既性格，佢點忍得住口唔鬧丫，仲要忍成晚添。凡事都係向好果方面諗。話晒佢都請我地去旅行丫，仲可以點喎。
因為尋晚同Michael講左成粒鐘電話，好夜先訓，搞到今日鬼咁唔夠精神。好似老細同老闆娘係布吉者。可以恰眼訓，恰恰下索性訓個晏覺添啦。無王管係咁架啦。我懶?!我知丫，會改架啦，搵日啦。
今日岩岩知道原來我星期六成十點先返到香港，咁即係無得睇"鋼之鍊金術師"啦。又無得睇添，真衰。

我唔係嬲妳遲到

我唔係嬲妳遲到。
我係嬲妳已經遲到，但都搭巴士，要我等耐d，原因係妳同二奶唔鐘意搭地鐵，而妳又想陪佢。來到我都唔望妳會講句sorry，但都唔使撓起對身，一句都唔講，好似係我做錯野咁。
今日妳成日都無揾過我。
上堂果時，我不停幻想妳會唔會係hkpc門口等我放學呢?
(雖然我知而家既妳都唔會做d咁幼稚既野。)
上完堂見妳都無打比我，咁我打比妳，講返琴晚，我問點解要搭巴士，妳答"橫掂都已經遲到，遲耐d都一樣，無咩分別。
"我唔知係未妳心直口快，而我又太小器，太無聊。
但我只係覺得我對於妳來講無咩特別，比一個朋友都有所不及。
(起碼如果我約咗朋友遲到，我都會盡快趕去呀。)

咁段就係男朋友send比我既icq。
有d人會覺得好無聊(包括我)，有d人會覺得佢有佢既道理。
anyway，事情算係告一個段落。
I am happy that he wanna talk, just a little late.

今日真係悠閒呀

今日真係悠閒呀。野就無做過架啦。見大姨岩岩做完白內障手術都未搵過佢，今日同佢去左令茶，即係今日陪亞媽亞姨團去飲茶。好搞笑，佢地介紹我去灣仔間茶樓飲茶，佢地上個禮拜先飲完，話果間平喎。點知我去到果間茶樓已經執左。我同間茶樓真係無緣。唔緊要啦，飲茶度度都一樣架者。我岩岩搵到位，"二奶"就打比我話搵到酒店啦，我同佢成團啦，星期三可以出發過新加坡。好野，又有得去旅行，仲要有人請添，發達啦。

飲完茶，返到屋企睇埋套頭文字D既Extra Stage。噢，全部睇晒lu。可以還返比Trevor勒。

今朝早起icq見到michael，同佢講左兩句，佢問我係咪唔開心。我又唔覺得唔開心喎，只係有少少事發生左者。佢咪又做一個善導人既角色。佢叫我要做到日日都係我生命中最後一日咁去過，(咁係咪即係咒我呢，正衰人黎架)。做人唔好咁小器，唔好自尊心咁強喎。咁自尊心強唔強係天生架喎，同埋關咩自尊心事者。咁係好煩丫嘛。我只不過唔做決定果個者。no big deal喎~

(9th July 2005 23:55)我仲有野想講左好耐。我真係覺得而家咁樣好無聊。洗唔洗嬲咁耐呀，同埋嬲咩呀，仲有咁你想我點呢。定係我而家咁樣唔問唔理都無問題，其實你只係想嬲下咁就得呀。講黎聽下呢。我唔想拍拖拍得咁煩喎。咁樣落去實在好"晒"精神，一係你話我唔洗理你，你嬲完會無事，或者你嬲完話比我聽我可以點做啦。我唔肯定我飛之前你嬲完未囉。如果係要我"乙水"既，sorry，我唔想，亦都唔打算。唔係我唔鍾意你，只係無野說服到我要say sorry，或者"乙水"返你囉。我尋晚的確都有嬲(不過係返到屋企之後)，有黑口黑面(因為你咁樣對住我)，撓埋對手(起晒摃，都係想保護自己者)，免得被你拎我去祭期。我要講就係咁多。

一場歡喜一場空

一場歡喜一場空，老細今日食完飯同我講，叫我打比我地個travel agent，book 機票下星期四我同Eliza飛去singapore join 佢地。嘩，又有得去trip仲要老細請添，開心死啦。點知book package要一個禮拜前book，今日先book下星期四有d遲，不過joan話可以試下。可能到臨放工都仲未搵到酒店。睇黎希望都真係好微啦。都話左老細佢飄忽架啦。話去就去，咁就要自己有架私人飛機同屋係唔同既地方啦~

仲有，今日...........算啦，都係無野啦。

嚇死我呀~

嚇死我呀~今日老細無返公司。咁我就好似平時咁"他他條條"計margin，計完又砌下d php，又一路睇住個市。一真都無咩特別。
點知一到下晝五點鐘度，忽然間euro由1.198幾，升1.202幾，升左30幾點，咁咪打比老細啦。點知同老細講完唔夠十分鐘，佢又升過，仲唔停咁升添。除左euro，jap yen 同bonds都一齊升喎。呢個時候就梗係急call老細啦。嘩！佢叫我buy完euro又buy yen，仲要reverse埋d bonds，我一個人一對眼，入三個市。有d同佢地鬥快既感覺。幾鬼驚click 錯買變賣就死得人多啦。啋，咪亂諗，咪亂講。Be positive嘛。慢慢黎，"担"定有錢淨。check過晒啱，再update埋最latest既delta。都唔洗三十分鐘，好打比老細報告下先。咦，手提無人聽，咁打去佢屋企啦，老闆娘接電話。"Noelle呀，Leslie係度嗎？我想搵佢呀。"點知老闆娘竟然話："Leslie訓左覺喎...(吓，個痴晒線咁升，老細仲訓得著！？)..有咩緊要事呀？"心諗佢都訓得著咯，都未咩會緊要啦。"無咩都係想話比Leslie聽我send左最latest果個delta table比佢者。無咩啦，唔該你"住就收左線勒。等我仲鬼咁緊張，咁係.....唉！隔左又個鐘，老細打黎話，佢起身啦，叫我收工喎。哦.......咁今日就咁完左lu！

so exciting....

So exciting, mate.今日同老細傾開，佢叫我地聽朝同埋Marc再去睇下間屋，然後叫Marc比意見，睇下租唔租得過。後尾又改變主意，叫我地今日提早收工，早d入去DB去睇屋。間屋連Marc都話好呀，應該都有七八成會租呢間屋勒。不過唔知係咪我細膽呢。我覺得我果間master room 入到去唔係好舒服，係因為間房暗丫，定係太大我唔慣呢。講真果句，我真係有d驚囉。唔.....都係要諗下計，點先唔會咁驚呢。

好興奮呀!

好興奮呀! 個agent幫我地同個landlord傾掂左，間屋由9k減到7.5k。老細話我地鍾既話，就租果間呀。正呀！間屋有三房兩廁，我會住master room，夜晚就會係study room 度做trade。My new life，discovery bay 我黎啦。哈哈哈！ 真係成事，就係一份最好最大既生日禮物啦。咁快講生日會似早左d喎。 = p

放工之後去左做gym，我肥左呀，我而家有102磅呀(四捨五入之後)。我要認真d咁去減肥先得啦~
目標：一個月減七磅，即係要減到95磅。少食多餐，here we go.

今日send左封email比Leslie同Noelle，講下how to be positive; how to avoid mistakes, how to improve the work, what is the goal and how to achieve it. That's a little bit funny, but it builds my ambition. I have got the target now.

尋晚，Michael打比我，話佢唔想再一個人，佢想搵返個伴。除左佢，仲有vienn，佢都話佢想結婚。真係諷刺，我竟然同大家既諗法相反呀。我發覺我太鍾意我份工啦~
"如果你要得到一樣野，你就要放棄另一d野"

It's over

This morning, my boss took us to Ritz Carlton for breakfast. Before it, I was worrying all the uncertainties. Leslie found I am not happy. He wanna find out what is happening. He asked me about my sadness. And I told him I was worrying about the job, Marc's immigration, apartment's issue, etc. He told me what I am worrying about is not necessary. He has not thought about firing me. Second, even Marc cannot get the stamp from immigration, the company will not close. He still wanna me to help him for trading.

Which means I have been given one more chance to work properly. But, he said I have no ambition. One day, I have got it, I will get all the things quick. Also, he told me the way to have ambition is I have to find what I really want it. And, I have to ask myself two questions. Firstly, If it is the time to die, do you have no regret? Second, did you do your best for everything you have done? If you said one or more "No!", please work hard, mate.

藍天，白雲，多人.....

藍天，白雲，多人.....風和日麗，天朗氣清，最好做咩呀？去玩！
"以照亮每一處 日光歡樂請分享
跳躍在你身 跳躍在你心 叫你愉快開朗
燿眼陽光 足滿歡樂 它使你活力倍增 快樂在廣張........."

所以今日一早食完早餐，就去左睇"龍咁威 2"。勁無聊﹑勁低能﹑勁白痴，所以好好笑﹑勁好笑。
睇戲之前，因為未夠鐘，所以去左行街，買左d衫，短褲背心，好有夏天feel。仲因為揀衫揀得興奮得滯，遲左入場。
睇完戲行出黎，被個太陽晒到眼都睜唔大，難得咁好天，就心血來潮轉身同肥仔講"去沙灘玩囉。"就係咁，我地就入左赤柱lu。岩岩買果d衫大派用場啦。

入到赤柱，行完大街，行過沙灘既時候為左避開人群，行左入條巷仔。嘩，唔係親身行去都唔知原來果度d屋好靚架，又靜，完全唔知自己係香港，我仲忍唔住影埋相添。 "從無緣無故的徬徨 走進歡笑開朗.......能遺忘人世的繁忙 方會醒覺風在吹......"

雖然今朝早起身時都仲有d唔開心，不過肥仔話唔開心都幫唔到d咩，有假放就唔好諗咁多啦。就係咁，將所有既野..... "通通拋諸腦後....."

好攰呀

好攰呀！尋晚做個secure section做到三點，今朝一早八點又起身趕入DB睇屋。都無數過今日睇左幾多間，盡之就行到好攰啦。睇到有一間都唔錯，都算fully funitured, 只係差"eli"張床，不過要成10.5K租呀。希望講得掂個landlord肯減到9K比我地啦。

今日諗左成日都係決定打電話比老闆娘，想問下佢我地黎緊到底會係點，佢地有D咩plan呢?例如，老闆仲會唔會要我幫佢做trade呢。佢仲會唔會想租間屋比我住呢。如果marc個immigration application 被入境處reject左，咁公司又點呢。仲係香港定係會去杜拜呢。去杜拜會唔會帶埋我同"eli"呢。咁仲洗唔洗繼續睇屋呀。總知就乜都唔知啦。

真係好囉囉攣

真係好囉囉攣。老闆唔聽我電話既事實在係令到我囉囉攣。被人打入冷宮既感覺真係唔好受。我終於都明點解以前d妃嬪一入到冷宮就會黏左線，我諗我都就快，(雖然我唔係後宮佳麗)。

雖然唔係好開心，但話晒都係vienn生日，點都唔可以黑埋塊面同人地慶祝既。要去玩就唔好諗d唔開心既野住啦。玩完先再唔開心過啦。

大件事啦

大件事啦！老闆真係唔睬我呀。
我今日send 左個sms比佢，佢都無覆我。呢煲"杰"啦。
都唔知點算好。唔通我既下場會同connie一樣。唔好呀。
我都唔想走。
真係唔知點好，有咩計呢？

唔知佢仲會唔會租屋比我搬出黎呢？

忍唔住手

其實都好想自己整個webpage放自己既日記，無奈我真係好懶囉。
所以，有現醒既，就梗係用現醒架啦~
都總算係咁。

今日老闆個樣好嬲呀。佢今日都無對我笑過。佢一定係比我激到出唔到聲啦。
我又係衰既，成日都輪輪盡盡做錯野。我諗我都要令自己慢返落黎啦。太快係會失控架。