Scarlett 既第一次

成個禮拜我都覺得Scarlett係一個比較堅強("硬淨"好似仲啱d)既女仔，但唔知係咪真係太過local minded既問題。佢同我初初黎到，唔只我，應該話佢同大多數既女仔，黎到果陣好想表現下自己，佢覺得日日係度擲髀仔唔算係做野。呢d咪係香港人既諗法囉。所謂既有做野，就係老細問你做左d咩既時候可以拎到d好實質既野出黎比老細睇。但我老細係非一般既香港老細黎架嘛，佢係一個鬼佬。佢唔要我地做野有太多既壓力，所以佢唔會比好多壓力我地，但之前係度做野既女仔依然做到好大壓力。仲有d日日返屋企喊，全部都係因為佢地比自己好多壓力，跟本就唔關老細事。老細今日都講啦，佢請trainee係想train一個人，佢梗係suppose你咩都唔識啦，因為佢要由零開始train你嘛。咁你係一個trainee，你又點可能要求自己識好多野，做到好多野呢。但連Scarlett都頂唔順，比老闆娘同老細話郅喊。唉，唔知佢又可以挨幾耐呢。