大概啦…

又成個禮拜無寫blog添。係呀，我懶嘛。同埋啱啱尋日搬返上大房，PM係後面睇住，無咁自由啦，無得成日做自己野啦，仲好慘連恰眼訓都唔得呀。

我要搬返上五樓大房既原因係因為五樓有好多人離職，吉晒D位出黎，所以我要坐返果度充撐下場面囉。上個星期五KING last day，我地一齊去食飯，之後去左飲野。上次去左aqau，今次就去左sheraton既頂樓果間(唔知記得左名添)。飲左一支白酒，跟住一人一杯cocktail，傾到十點幾就散lu。果支白酒好好飲架。但我又唔記得左個名，等我問返個同事先，下次可以買黎同其他friend一齊飲嘛。不過好奇怪，唔知係咪好耐無飲野，定係溝左酒飲呢，我最尾竟然有少少醉喎。返到屋企個心跳得好快，訓唔到覺，搞到成點幾兩點呀。

尋日，我無唔開心，只係…

尋日，我同肥仔講電話，佢話我把聲好唔開心，我無唔開心，只係聽左首歌，成日都諗返想之嘛。

一千年以後 林俊傑

心跳亂了節奏　夢也不自由　
愛是個絕對承諾　不說　
撐到一千年以後

放任無奈　淹沒塵埃　
我在廢墟之中守著妳走來 喔~
我的淚光　承載不了 喔~　
所有一切妳要的愛

因為在一千年以後　世界早已沒有我　
無法深情挽著你的手　淺吻著你額頭　
別等到一千年以後　所有人都遺忘了我　
那時紅色黃昏的沙漠　
能有誰　解開纏繞千年的寂寞

喔~ 放任無奈　淹沒塵埃　我在廢墟之中守著妳走來 喔~
我的淚光　承載不了 喔~　
所有一切妳需要的愛

因為在一千年以後　世界早已沒有我　
無法深情挽著你的手　淺吻著你額頭　
別等到一千年以後　所有人都遺忘了我　
那時紅色黃昏的沙漠　
能有誰　解開纏繞千年的寂寞

Na Oh...Yeah Oh無法深情挽著你的手　淺吻著你額頭
別等到一千年以後　所有人都遺忘了我
那時紅色黃昏的沙漠　能有誰　
解開纏繞千年的寂寞

喔　纏繞千年的　寂寞

今個禮拜…

今個禮拜過得好快，唔經唔覺又星期五勒。

係公司真係一d野都無做過，都係睇下d doc咁啦，仲未識得點係個portal度set返d野，之前個同事臨走果陣交低左一份得五頁紙既doc，裡面咩都無，得個講個project structure既print screen，巴鬼勒。搞到我搞左作個幾禮拜都係得個吉。死梗啦。

上個禮拜日去瑪麗做檢查，順手講比個護士聽有d咩藥之前食過啦。話佢知我個心之前好痛，所以睇左醫生食左d藥。佢幫我把脈話我d心跳時快時慢，叫我都係去做個body-check喎。之前都話想去做body-check架啦，但自己懶之嘛。而家又舊事重提，睇黎呢d錢都係要比人賺架啦。但蔡姑娘個比喻真係好搞鬼，佢話坑渠都唔會一日就塞晒啦，到佢塞晒就遲啦。乜坑渠同血管真係咁似咩。

我星期三學完琴去左行潮流特區，因為想買對情侶錶，補祝返情人節嘛。我睇中左對架，本來都諗住買左佢，先斬後奏。但我又唔敢喎，一陣肥仔嫌佢唔靚，唔鍾意咪死。都係等埋佢得閒去睇下先啦。

講起得閒，我呢個禮拜都未得閒過。日日都好攰呀。星期六日一都仲要返學呀。忽然間覺得自己有d抵死，早放工又走去學人讀書，而家搞到自己又無精神返工，又無心機讀書啦，係咪抵丫。

半夜既我…

半夜既我百無聊賴，睇下人地個blog，寫下我個blog。開始覺得呢排自己個blog似做緊"季節"長劇一樣。愁﹑愁完再愁﹑未愁完繼續愁。好唔開心既blog，完全唔係我既style，乜我唔係應該天跌落黎當被冚架咩。唉，算吧啦。(我連同事句口頭禪都學埋添。)
雖然，平凡既我過住平凡既日子，但總算係美滿，亦有一丁點逸事。今日開會，PM竟然話我好記性，老細我好記性?!唔好玩啦!我從來都唔知自己好記性，亦都無人咁話過我，佢係第一個，我諗都係最後一個。對於我記性果方面，我真係唔係咁樂觀，真係怕我老左會有老人痴呆，(病徵其實都已經好明顯。)都係果句，算吧啦﹗

我用我部手提電話係公司度聽歌，都唔明點解首首歌都係慘情既，唯獨係呢首。聽完之後，真係……好能夠安慰到心靈。

還記得　你那白衫　令課室燦爛
讓鄰校女生灰裙　也顯得刻板
就算為你用功　得不到稱讚
留堂都暗笑　因可再看一眼

那年十一(七)歲　未知這算罪　
記憶中有種香味　留在習作裡　
放學回家去　我偷偷揭著書　在想誰

來年大個的我　不是沒有深愛過
然而沒有一個　使我這麼
還未學會怎愛　不慎墮進的愛河
點名那一刻　我臉紅了麼

無需管當年　誰在我那面前
可能命中那年　我碰巧應初戀
仍然願意為這　舊回憶心軟
讓我知道純真　還有那幾吋　未變

那年十一(七)歲　未知這算罪　
記憶中有種香味　留在習作裡　
放學回家去　我偷偷揭著書　在想誰

從前是踢波跟睇電視更吸引
我然而自那一秒　先看清楚
其實沒有想過　首度墮進的愛河
敢跑進課室　我也無法阻

無需管當年　誰在我那面前
可能每一個人　也這麼的初戀
童年像告別的　校園這麼遠

但這心跳回憶　還有你一概　未變
讓我知道純真　還有那幾吋　未變
(想聽可以問我攞，呢首我一定比。)

的確初戀係最純﹑最真。首歌除左話比我聽呢一點之外，仲教曉左我做人--應該話做人女友。以前細個，成日都拎自已同男朋友以前既女朋友比較。(嘻，而家都有時會)但其實好多野真係無得比，尤其係初戀。唔知大家同唔同我一樣，我既初戀來也匆匆，去也匆匆。佢係我戅戅居居既時候黎，懵下懵下果陣就走。但到今時今日都仲會記得(少少啦，少少啦…)真係除左而家既肥仔之外，我都已經唔係好記得我對上兩個(定算三個呢?)拍拖果陣做過D咩啦。我想講既唔係初戀既過程，而係你一世都唔忘記初戀果種感覺，因為初戀係無第二次既。所以，我將心比己，我以後都唔會去冒犯他人既初戀，只會當故事咁去聽﹑去欣賞人地既初戀﹑他人既美麗回憶。

男人最緊要係…

十四號果日情人節，但我要interview嘛。所以著晒suit咁樣返工。原定去無良屋企玩架。但佢又打比小鵬話佢兩公婆有緊要事要返西貢，最尾去左睇戲，睇魔幻王國。雖然係細路仔戲，但我睇完個人好exciting，我就係鍾意d咁正義﹑咁富教育意味既戲。唔知有幾多人會同意我話呢套戲有教育意義呢個講法呢。今日無花收，都無禮物收。我唔嬲亦都唔驚奇，因為係叫小鵬唔好送野比我。我得一樣野好想要，但無人可以比到我架。可能大家都覺得我無咩情趣啦，係呀，都幾無架。但我滿足精神上既快樂多過物質囉。老套d講句，送幾多野比我，到我死果日咪又係咩都無，身外物啫。

尋朝一早就肚痾，我唔敢再請假。請一日又無左$660，我負擔唔起呀。所以個肚痛到標晒冷汗都唔敢出聲。好彩痾左一粒鐘之後無咩事啫。只係有d腳軟，不過晏晝一食完飯個肚又痛過，好在唔係嚴重痛果隻啫。
尋晚去左華姐度學琴，終於有得掂個琴啦。但我彈左好耐先彈得響個琴呀。要放鬆晒d手指﹑手腕﹑手踭同膊頭。跟住用手指連住手掌個關節去彈。唔洗用力。咁彈落去就會"wan wan"聲。用力彈，即撞落個keyboard度就會"轟轟"聲。 但後尾都ok啦。仲有歌仔彈下添。
未學琴之前，係華姐樓下間寵物店度行左一陣。我初時以為果度淨係賣寵物用品，原來仲有狗仔賣架。隻魔天使好得意呀。不過原來魔天使好長毛架，美容果part要花好時間架。長毛既狗唔啱我，因為我鼻敏感，但佢真係好得意架。
學完琴肥仔黎接我，佢同我去食飯，不過係我請呀。食完本來諗住去買禮物比我。但我又肚痛所以無去到。
返到屋企發現失蹤左成個禮拜既老豆係屋企，其實我都無咩想講。講到尾佢都係唔知男人最緊要既係咩囉。

一個男人最緊要梗係"承擔"啦。一屋之主咁易做咩。
我咁大個女，唯一我覺得對屋企有承擔既係我亞媽同我四姨，因為大家個老公都唔生性。

渣打馬拉松

尋晚坐地鐵返屋企果陣睇到新聞話有人跑馬拉松果陣休克送院。好驚呀，我知亞fred同robin參加左，robin咁大隻，我唔擔心。但我記得我初初識亞fred果陣，佢真係好瘦架。好似重過我yr2果陣少少(我果陣有120磅架)。話就話佢而家大隻左好多。但聽到d咁唔好既消息都會擔心自己識得既人。知道果陣好想即刻打比亞fred睇佢跑成點。一睇錶，夜晚十一點半，打到去嘈醒佢實鬧死我，都係今日先。但我今朝聽收音機，知道出事既運動員，唔係我既friend真係鬆一口氣。知佢都無事，唔打lu。 :p

斷龍

今日睇報紙話本港第一宗中學同小學斷龍事件發生。主角就係我母校"聖馬可中學"要同結左龍一年幾既"聖馬可小學"(即前身為聖巴西流小學)。我睇報紙見d家長係咁鬧，又話斷龍搞到要殺校呀﹑又話搞到d仔女畢唔到業。首先表明立場，我係St. Markian一定係幫聖馬可既。以St. Mark's呢個case，我覺得斷龍係啱，因為我根本唔讚成結龍。喂，聖馬可黎架，我地既學生係top 30%喎，洗唔洗同你地結龍呀~話結龍既原因係想維持到一班高質素既學生，唔好咁搞笑啦。聖馬可中學又無權去指導或者引導對落間小學點樣教書，點保證教出黎果班係band one學生呀。係聖公會唔想自己有學校比教統局殺校咁無面咋。同埋St. Mark做咩要特登留位比果班友仔啫，St. Mark從來都唔怕收生不足，做咩要限住自己一定要收d咩生啫。要踢出英中個list有排都唔會有St. Mark份架啦。由day one開始，St. Mark's 就唔擔心入唔到英中個list，以每年入u率都over 98%，人地家長驚個仔入唔到黎，多過我地驚收唔到生啦。仲有呀，係因為校統局要殺校，St. Mark先同你斷龍架，唔係因為斷龍先至殺校呀。因同果都未識份。仲有一個家長好搞笑，佢話佢睇住聖馬可黎揀校，而家又要斷龍搞到佢小朋友入唔到聖馬可。亞家長，聖馬可都未執，你位小朋友有本事既咪考入聖馬可囉。如果佢唔掂既，未結龍之前都係入唔到架啦。咁結唔結龍對你又有咩影響呀?
都係鍾意以前陳露茜校長多d，話晒都係英中聯會既主席，話一就一，幾有威嚴，呢睇下，而家都唔知似乜。

我個心又痛啦

尋日又去左無良度玩，係陪小鵬過去打機。
跟住去左打邊爐。果間酒樓既邊爐 = 唔得囉。食到我個胃鬼咁唔舒服。
一路搭地鐵返屋企，個胃一路痛，仲有d想嘔添。仲搞到我尋晚個心又開始痛。
今朝早六點幾，我又痛醒左。呢排做乜鬼呀。個心成日都痛，但睇過醫生又話無事架喎。
原先仲諗緊返黎食唔食藥好，因為食完藥會好眼訓架，今日係星期一，要開會嘛，恰眼訓實比人抦都得啦。
點知返到黎開機睇到我PM(calvin) take leave，另一個老闆(emily)又出左去做野，今日唔返hko。
正，我仲唔啦啦食藥﹑恰返陣。
但我到底個心點解成日都痛呢，雖然醫生話無事，但都辛苦架嘛。

好彩…

尋晚去左"無良"度拜年，新年嘛，佢就梗係要派利是啦。去到佢比一搭利是我，叫我抽喎。咁抽啦，因為我買左野上佢屋企拜年，(應該係小鵬買先啱!唔緊要佢話晒都係一個無名英雄，有咩事我頂﹑有咩野我受﹑有咩彩我攞。嘻嘻…)所以我可以抽三封利是，抽完梗係即刻拆啦。第一封一開就係$50，諗咁正，$50封咁豪。點知其他兩封都係$20，我梗係即刻睇下小鵬果兩封抽到咩啦。佢仲衰，一封$20，一封$10。無良話我抽到兩封$20已經好叻，班friend個個都係抽到$10封咋。我仲要抽埋封$50，都無人抽到過。算佢啦，算係個好既開始。

跟住一大棚人就開始玩"大細"呀﹑"魚蝦蟹"呀﹑"三公"呀﹑"廿一點"呀咁，我仲學識玩"十三張"。我同小鵬五十蚊起家，贏左$111呀。有兩倍return，係非常好既成績。玩到十二點幾走，我都唔想咁早走架。d人個個都走勒，我今日又要返工，同埋割禾青梗係走啦。

收到啦，收到啦﹗

我收到叫我interview封信啦，係二月十四日，下星期二，下晝三點。

Ready? Go and Get It.

超holiday mood

今日係星期五，唔知點解成日都以為係星期六，連起身返工都唔記得。一路返工都覺得係星期六，鬼咩今晚上"無良"屋企玩嘛。好耐無玩啦，仲唔興奮死咩。
返到黎hko都好唔想做野，知道有會開，開心囉，梗係啦開會=個幾兩個鐘唔洗做，發達一樣呀。死野丫，個會開得一個鐘，唉，又要做過啦。

返到入房先激死，我個office唔夠一百呎，坐兩個人，我隔離位條友都唔知係咪發燒，日日都開到個冷氣得廿度。兩個人，一百呎，唔凍死我都凍死你啦，痴線架咩。

知道有個hko既同事25號又last day啦。佢就正啦，去做差佬。我都想架，我又唔望升職既，我望可以做領犬員，"un""un"腳等食長糧都好呀，帶隻狼狗行下，都幾型呀。跟住我個同事就同我講，"到時可能係隻狼狗帶你呢。隻狗四隻腳企都到你腰啦。"有冇咁誇呀，到我腰喎。阮小儀咩，真係咁矮都考唔到警察啦。又係喎，不如去試下啦。考唔到又唔洗死既~

我前日遞左份n-contract既application form 落樓下個人事部，條友仔話尋日會有電話打黎話我聽幾點interview。佢話會打我手提，我明知hko收得唔好，咪飛條線返枱頭個電話囉。我等左成日都無電話呀。唔係無我份in呀，寧願揀d waiting list既都唔揀d 做緊既咁賤。定係我飛錯左去第二度呢。搞到我鬼死咁忐忑﹑焦急﹑憂慮，真係有d衝動想去問下個人事部搞成點。

第一堂……好鬼嘈啫

今日，我去左華姐度學琴，華姐係小鵬個亞嬸，佢好熱愛音樂，係好熱衷果d呢。第一堂佢教我放鬆，要膊頭﹑手踭﹑手腕都要放鬆，腰要直，大腿同小腿成90度屈膝﹑挺胸。
佢要我放鬆晒拍落個琴度，跟住佢示範一次比我睇，(嘩，好嘈呀。)跟住佢要我分大力打落個琴度，同放鬆拍落個琴度有咩分別。我初頭唔識分，只係覺得好嘈。然後，佢要我好似佢咁左右手各試一次，我做唔到呀。我硬骨頭嘛。華姐見我做極都係硬綳綳，佢就幫我手，佢首先要我放鬆晒膊頭﹑手踭﹑手腕既關節，然後一fing。"嘭"一聲，我就打比落個琴度。聽過自己唔識放鬆前打落琴既聲同華姐fing我落琴既聲係有少少唔同，雖然大家都好嘈，但打落去既聲係"轟轟"聲好實架，但放鬆拍落去既聲係"嘭嘭"聲會散架，華姐話要記住呢種感覺。
華姐見我咁硬骨頭就教我做鬆弛動作。好似拉肋咁，十指相交，好似個鏕咁鏕上頭，再吸啖氣頂上頂，再一邊呼氣，一邊將手由兩側放返落黎。個動作唔難架，但最難到我既係，華姐要我慢慢做，真係好慢好慢果隻慢慢做。咁就弊勒，我一慢就"侄下侄下"，做到成隻怪物咁。華姐話要返去練呢個放鬆動作。仲要做廁紙筒拉肋。
然後仲教我四分音符(crotchet)﹑二分音符(minim)同全音符(semibreve)，教我畫高音譜號(treble clef/ G clef)，要買本五線譜返屋企練。
仲有"C <-> do; D <-> re; E <-> mi"，要背架。要背"C is 'do', 'do is C; D is 're', 're is D; E is 'mi', 'mi' is E"，要背到好熟，好熟，日日都要背。
就係咁就上完我第一堂鋼琴堂勒，多謝各位。

尋晚，我食完藥即刻落床訓，諗住可以一覺訓到大天光。點知都係半夜醒左，(嘩，好驚呀，半夜三更有人講野既)係亞爸同亞媽佢地係房度傾計，講數呱。聽到少少又聽唔晒，聽見佢地都無打交既跡象，我又仲係軟賴賴，咁我都繼續訓啦，

開齋

諗住自己身體好健康啦，點知尋日就開齋要去睇醫生勒。
我上個星期開始，個心已經有d痛。本來都想去睇醫生。點知想去睇醫生果陣，佢又唔痛啦喎。諗住佢無事啦。
點知尋日痛得好緊要，最後都係頂唔順返左屋企睇醫生。
點知個私家醫生又睇得求其喎，搵到耳筒聽兩聽就話我係胸膜發炎。你係咪架，咁求其都知我咩事。
佢見我唔係好放心，就叫我去照下心電圖，等我安心d，仲有d藥。點知我去完照心電圖，要星期三先知報告，跟住接埋肥仔--肥仔特登黎睇我架，係咪好抵錫先。--返屋企食飯。食飯果陣亞媽話你心痛就咪鬼睇私家啦，佢拖症架。所以一食完飯佢就同左我同肥仔去睇急症。去到第一時間照心電圖，睇完心電圖，知道個心無咩大礙，就坐係度等，我係屬於半緊急喎，所以一等就3個鐘。再照埋x光，醫生話我無咩事，只係肋骨中間果塊膜發炎。拎完止痛餅就返屋企。好彩無事者。

我覺得我亞爸開始有d思覺失調，佢除外話亞媽係外面有第二個男人之外，仲話亞媽發開口夢叫住第二個男人名，同話亞媽發開口夢講左d野。但果d野好難聽(意思上)，我肯定我亞媽唔會講d咁既野。佢都好肯定話有，叫我同亞媽訓一晚就會聽到。但我成晚淨係聽到鼻鼾聲，咩都聽唔到。佢真係開始痴線啦，真係怕佢有一日會拎起把刀斬人。

今日個pm同我講，hko請n-contract既programmer，佢叫我去apply，咁咪可以做多一年。跟住agent就打黎叫我續約。我真係覺得佢地好煩呀。又呢樣，又果樣，一時又咁，一時又咁。你地定好晒先同我講啦。我都係想搵餐飯食者。

初四…

唉，話咁快又初四，又要返工。學d同事話齋，新年前又holiday mood唔想做野，放完假返黎都仲係唔想做野，咁講真，有邊個鍾意做野架，咪玩啦。

本來諗住返到黎hko可以有利是逗啦。點知hko既人係唔興派利是。全日就淨係得PM封開工利是同夜晚食飯果陣舊同事比果封。唉，又無得逗利是添。

夜晚同d同事去左火間土度食飯，之前都去過一次。d野食都ok啦。我只係唔鍾意坐我隔離個同事，一路食一路越迫越埋，我就越縮越過，差d坐埋上我大佬大脾，真係吹脹。佢個手踭仲撞到我幾次，都唔say sorry，講野仲鬼咁大聲，係咁係我耳邊嗌，痴線架咩，知你存在啦。我都話你大聲你就要檢討下啦，咁大聲去做小販丫笨。

好彩食完飯去飲野個大聲公無去者。我地食完飯去左aqau飲野，間野係北京道一號廿九樓頂樓，可以睇晒個維港架，超正，超好view呀。見到咁靚第一時間梗係諗幾時同小鵬去一次呢，有好野點可以唔話佢知架，等我再plan下先。不過果度食野minimum charge都要$120/person呀。飲野又唔算貴既(仲有個view又咁靚，都抵架)。可惜尋晚大霧左d啦，望到IFC，但望唔到太平山囉。可惜可惜。