天生一對

尋晚去左睇楊千嬅做既天生一對，原先想同亞瑩一齊睇，一來佢鍾意楊千嬅，二來我有coupon嘛，一齊睇抵D嘛。但等左佢成個禮拜都未話去睇，算數我同肥仔自己睇。套戲都幾勵志架，不過老套D，講下有病就要醫，唔好逃避。但拎乳癌黎做主題又真係到point左d。無論咩人都唔想自己身體既一部份要割左去，而全乳切除係外觀上的確有影響。尤其女人天生就貪靚，呢個世界上根本就無一個唔貪靚既女人，只係多同少，但就算幾少，都唔會鍾意咁唔balance既身體。仲有，要接受自己有病真係唔係咁容易，有邊個人想自己病呀。再加埋要向身邊既人交代，交代係一個過程，但對一個關心你既人黎講，你有病同佢有病一樣咁難受。病簡直就係世間最大既折磨。

但我好鍾意戲裡面既一句"用最好既心情，擁抱最壞既事情"。我記得我有句口頭禪 -- "死左去吧啦"。有一日我都係口快快咁講左出黎，比肥仔聽到，佢第一時間回我一句，"有好多人想生存落去都無機會呀。"我就知我講錯野。小鵬就係咁，佢唔會好縱我，但佢永遠都係好positive同好有paitient咁去教我﹑錫我。講返句slogan，真係好有意思。成日都話不如意既事十常八九，但你點去面對呀?就用"最好既心情"，我都唔知有病果個係我，我做唔做到，但如果唔好彩我真係有咁既一日，希望我可以記得呢句說話。

套戲有個位我覺得好殘忍，就係比Bingo親眼見到亞睦係存心呃佢錢。一個自己等左七年既人返黎只係為左呃自己既錢，好可悲。

尋日仲有一件小小既大事，我想將個啱啱洗乾淨既飲盒放入微波爐叮乾，點知錯手放埋對木筷子入去。弊勒，對木筷子著火呢。好在唔係叮左好耐，但己經出晒煙同個飲盒底溶左D啦。好驚呀，嚇死我呀。幾驚發生火警呀。