結婚啦!結婚啦!

結婚啦!結婚啦!終於都嫁得出啦。不過唔係我，我係老死vienn呀。佢同輝輝拍左拖無五年都有四年幾，佢又開始人老珠黃，都係時候嫁啦。不過真係好逗佢開心，我地五個(我啦﹑vienn啦﹑亞花啦﹑亞姐啦同豬屎麵)終於都有個嫁得出啦。唔知幾時輪到我啦，搞到我忽然間都恨嫁起上黎添。講返vienn，佢地打算下年年尾結婚。咁早講定除左講個好消息比我地班姊妹聽，就梗係暗示大家好修身啦，比一年半你減，你咪話減唔到呀。好啦，我都要節食減肥啦。講起都開心，好似我都有份嫁咁。但係今日去做facial個老皮娘問我係咪肥左呀，撞鬼。
講完件開心事，有一件唔係好開心既事呀。亞fred唔讀phD啦。聽到果陣覺得有d可惜，覺得亞fred點睇都似係一個professor，佢唔讀又真係有d可惜。但佢話佢無心機繼續讀啦，佢都去意已決，我都唔會再勸佢，紿終咁大家都咁大咯，人各有志。我唔可以阻止佢，我都無權咁做啦。做朋友既點都支持佢既。