表弟表妹大集會

因為亞威表哥下個月頭結婚啦。所以d表哥呀﹑表弟呀﹑表妹呀，都續繼喺外國返嚟。同表弟msn嘅時候，佢就已經約好我去唱k啦。真開心，又可以一展我嘅甜美歌喉。 嘻~

白痴保險公司

我都明呢個世界係要做生意，不過唔係顧客至上架咩?!

老豆之前想cut份保險，我幫佢打電話去問保險要做咩手續。
佢話喺佢哋send比老豆果封信上面，fax返去話我哋想取消呢張保單就得。咁佢咁講，我就梗係照做咩。點知過幾日，佢哋喺老豆開工嘅時候打比老豆，叫佢唔好cut保單，老豆話唔會，仲話過數果張卡會cut架喎。跟住條友同我老豆講，你張卡cut咗過唔到數份保單就會自動cut。

佢都傻傻地架，我咪一早fax咗封信同你講我要cut單囉。做咩係都要迫人繼保啫?!我唔想繼呀，唔通為咗你果份保單我就特登去cut卡呀?! 我買咗層樓再買個電視，唔通就唔可以賣返個電視出去呀?!洗唔洗賣咗層樓先可以賣到個電視呀。邊個係賓，邊個係主呀?你話事，定我話事呀。

離鬼晒譜架，我呢兩日好好火，我星期二又唔洗返工，我一定打電話去剷佢架。

JuicyLemon

今晚去咗睇JuicyLemon，即係容祖兒x古巨基。本來都對佢好大期望吓。但點知大跌眼鏡呀。

真係估唔到兩個咁唱得嘅人，放埋一齊係一個"悶"字。

成場都無氣氛，d人坐晒喺度，郁都唔郁吓。好似訓晒覺咁，搞到我呢d郁身郁勢嘅人，好似傻嘅咁。咁靜不如返屋企聽CD或者睇DVD啦。做乜聽concert啫。

我記得前年去睇周杰倫演唱會，兩場都超正。第一場我同小鵬飛過台灣睇，企足全場，"un"足全場，嗌足全場，正。幾個月後周杰倫喺香港再開，我哋再睇，因為喺紅館，所以唔可以企(suppose)，但因為坐第四行，人人都企，我哋就梗係企足全場，跳足全場啦。超正。咁先係演唱會嘛。

作好準備

再見　我的初戀跟你一起也不枉
未曾乘風出海怎破浪

過去　每幅風景請你隨時拿著看
別忘記你我要繼續盛放

為了有太多青春　才日夜換期望 　
用有限寶貴時光換無限神往 　
曾為你神往　亦要落堂 　

明年就約在旗桿快到先等 　
溫情十秒內重頭熱身 　
但領會更深　而眼界更大 　
願我們各有玩伴同行 　

明年再約定誰先踫上知心 　
講明別妒忌懷恨在心 　
用更亮笑聲　留更美印象 　
為你朋友慶幸

再見　你會張開雙眼如薔薇盛放
但願你我會更動人耐看

再見　我的初戀跟你一起也不枉
二人曾經一起出過汗

你我　這刻即影即有留來明日看
別忘記你我那二人便當

明年再約定誰先踫上知心 　
講明別妒忌懷恨在心 　
用更亮笑聲　留更美印象 　
為你朋友慶幸

再見　你會張開雙眼如薔薇盛放
但願你我會更動人耐看

若你　太愛以前的印象
望著二人一幅相
願你　會叫這個我更漂亮

再見　我的初戀跟你一起也不枉
未曾乘風出海怎破浪
你我　太多青春可以留來明日看
但微笑要帶眼淚才耐看

做你的男人 - 張信哲

呢首歌係近排一首我覺得好好聽，聽咗好warm。加埋張信哲把聲，真係超完美嘅結合。
(原本可以放喺my space，但放喺果邊嘅話，因為要login嘅關係，無咁多人睇得到，所以都係放返喺呢度。)

東京　紐約　每個地點　
帶你去坐幸福的地下鐵　

散步　逛街　找電影院　
累了我就幫你提高跟鞋　

塞車　停電　哪怕下雪　
每天都要和你過情人節　

星光　音樂　一杯熱咖啡　
只想給你所有浪漫情節　

讓我　做你的男人　
二十四個小時不睡覺　
小心翼翼的保持這種熱情不退燒
　
不管世界多紛擾　我們倆緊緊的擁抱　
隱隱約約我感覺有微笑　藏在你嘴角　

做你的男人　
二十四個小時不睡覺　
讓膽小的你在黑夜中也會有個依靠　
就算有一天　愛會變少　人會變老　

就算沒告訴過你也知道　
下輩子還要和你遇到

瘋人瘋語

我成日都口快快講咗d傷害人嘅說話，自己唔知。

同樣嘅事又再發生，而且仲發生喺一個我最好嘅朋友身上。我真係唔知所講嘅嘢令佢咁難受，我真係好衷心同佢講對唔住。我以後會小心講說話。多謝你比我知道我犯錯，多謝你比機會我向你道歉，多謝你比我有改過嘅機會。我會用心去珍惜﹑愛護我嘅每一個朋友。

我從來都無傷害人嘅意圖，我會改過。唔再瘋瘋癲癲，做人要變得成熟一d。

最後，我真係全心祝福你有一個美好嘅人生。

命運自選台(Click)

星期六晚又去搵戲睇，想去hea吓。無咩特別好想睇，好是但咁揀咗套叫"命運自選台(click)"，睇落個樣都好似幾搞笑。好啦，就揀你啦。

開頭果一半都真係好搞笑，但睇睇吓原來佢有一個好大嘅message想講。套戲係講一個建築師日日夜夜不停做，佢為嘅其實係想家人過得好d。但佢就因為做嘢而忽略咗屋企，佢連屋企嘅遙控都搞唔清楚邊個打邊個。佢覺得好煩，打算去買過個萬能遙控器。

但佢誤打誤撞，得到一個可以遙控人生嘅遙控。佢就用住呢個remote 過咗一個佢覺得好開心嘅一年時間，但佢因為不停fast forward佢嘅人生，skip晒所有辛勞嘅工作過程，只享受工作嘅成果。而喺佢skip工作過程嘅同時，佢都錯過咗佢同家人相處嘅時間。結果，佢失去咗佢最錫嘅兩個仔女嘅童年，佢一生最愛嘅老婆，佢唯一嘅亞爸，佢嘅健康……

戲話到比我聽，人生係充滿甜酸苦辣，因為你有付出，所以無論收獲係點，都係值得。對於家人，同佢哋相處嘅時間係唔可以返轉頭。同家人相處嘅每一分每一秒都係你一生人嘅瑰寶。唔好為咗工作而忽略你身邊嘅人。

新繪本

我呢排又買咗d新書，有兩本係繪本，有一本係短篇小說。

我首先完成嘅係一本叫"Take me home"嘅繪本。裡面講嘅嘢好簡單，好鎖碎，細到係一d你發現經常發生，但又永遠忽略嘅事。睇完個人好開心，覺得有d嘢可以放返低，放鬆返自己。

書中，有幾句句子又會有所觸動。
"...有夢想，生活就有力量。"
"如果我的一生中有幾個轉捩點，認識你，就是其中一個。"
"這個世界不會每個人也喜歡你，同樣地，不會每個人也不喜歡你。"
"...even if we don't have a common ground, we still can talk all night long. Afterware, you didn't change your views and neither did I. But, we have known each other better. That's what communication means."
"Fun , it's not a matter of what to play, what matters is whom to play with."
"快槳要是有人分享，在哪裡都是一樣。"
"小時候，總有無數人逗我們歡笑。人大了以後，才知道要自己快樂，首先要大方一點，先讓別人快樂。"
"世上並沒有忘記的方法，我們只可以忘記去記起。
你無法離開記憶，那只好讓記憶離開你。"
"父母都希望給小孩他們從前沒有的東西，而有時候卻忘記給他們曾經擁有的自申。"
"愛過，才發現最難能可貴的是一直愛下去。"
"曾經，我們是如何專注窗內的事情，而忽略了窗外的風景。"
"Let's take care of the little things while they are still little."
"我們本沒有擁有過甚麼，哪裡有失去?"
"人生就是有受傷這麼一回事。傷口，有些看得見，有此卻看不見。"
"為了公平，我們常常畫下一條線。然而到底這條線應該放在哪裡才最公呢?"
".. 過了一段時間以後，才發現從前碰不到那片葉，並不是因為樹長得特別高，只是當時自己太過矮小罷了。"
"為甚麼我家房子那麼小別人的房子那麼大?
有甚麼關係，望上去，我們的天花不是一樣高嗎?"
"一樣原本很輕的東西之所以愈來愈重，不是因為它變重了，而是因為我們一直沒有把它放下來。"
"是不是太重了?為甚麼就是不肯說?"
"做你喜歡的事，你就會愈來愈喜歡你自己。"
"總有一個時刻，你想靜靜地起革命，一言也不發就溜出去。"
"世界這麼大，走不完所有地方都不緊要，只希走到哪裡，活到盡頭，也能有愛在心。"

本週金句

本週嘅金句就係PM同我講嘅："不知廬山真面目，只因身在此山中。"

其實，好顯淺嘅一句，但我就係對佢有feel。

理智 與 感情

記得上次同小鵬講開，我覺得d刻扣低下勞動階層人工嘅僱主好衰。我嘅理據係，低下勞動工人佢哋每日出嘅汗同埋力，係其他人嘅好幾倍，甚至幾十倍。d高層一日做唔夠四個鐘，一個月嘅人工係勞動工人嘅兩年薪水，點可以對勞動階層咁唔公平，力出得取多，人工出得最少。仲要隨時都怕無嘢做，就算比人恰都要吞聲忍氣。(講到呢度，我又過份激動，眼濕濕)

小鵬佢答我，高層人員都有佢嘅負出，佢哋所負出嘅係腦力。佢話呢一點我從來都無提及，腦力都係力嘅一種，只係唔需要郁身郁勢去表現出嚟，但佢哋亦都需要負出。仲有，呢d高層亦都要對公眾有所承擔，所做嘅嘢大多數都會影響整間公司﹑市民等等，所以佢仲有承受日後公眾嘅指責，好似我咁就日日都鬧佢哋啦。仲有，點解勞動階層咁怕無工做呢，因為佢哋做到嘅人好多人都可以做，因為供多於求，所以佢哋就唔值錢囉。

好理論呀呵。係呀，我哋平時都會拎d新聞出嚟講。我哋連"倒扁"都有傾呀。我通常都係比較由感情出發，而佢就由理智出發。男同女嘅分別呱。

本份 與 性格

人應該安守本份，定係率性自我呢?兩者好似無衝突，但諗多一d，佢哋又互相牽引。

我覺得每個人都應該率性自我，除大前題係你做你自己嘅時候，會唔會傷害到人。無人可以阻止你做自己，你同時亦都無權去傷害其他人，或者要其他人因為你嘅所作所為而去作出改變，或者任何嘅承擔。

我成日都話喺我自定嘅所謂公平世界，但有人同我講過，呢個世界係無公平架。因為人係互動，一件事發生，就會有相連嘅第二﹑第三件事會發生，呢個係骨牌效應。亦因為咁，呢個世界就唔可以每個人都隨心去做每件事，因為你做每件事都係因為之前發生嘅事。

做人最大嘅挑戰嘅係喺矛盾當中取得平衡平等。咁樣做人就問心無愧。

又結婚啦……

前兩日睇到個大學同學嘅blog，佢講咗幾句，感覺上有少少特別含意。所以今日無咩嘢做嘅我，就去搵佢求証吓。果然不出我所料，佢打算等喺US嘅女朋友讀完書就飛去美國同佢女朋友結婚，好浪漫呢。

講起嚟，我都幾佩服呢個friend，佢D女朋友個個都係喺ICQ度識。之前果個都拍咗三年幾四年拖，雖然最後都係散咗，但喺ICQ度識，拍得成拖，仲拍到咁耐，真係勁。

今次仲勁，個女朋友都係喺ICQ度識，呢個仲喺US讀緊書架添。佢之前都已經去咗US同女朋友週圍去玩，前個月女朋友又過嚟香港同我個friend四圍去玩。都幾溫馨恩愛。只係半年嘅時間，就打算結婚，確係幸福呀。

雲妮鍾情 -- 周杰倫專訪

依然范特西，依然周杰倫，依然我至愛……

周董又出新碟"依然范特西"。
我就當然覺得好好聽啦。

今次隻碟都係一貫周杰倫特色，主打嘅都係中國風sytle，仲有周氏式嘅情歌同rap，連埋一首新嚐試 rambo style嘅<<迷迭香>>。首首都超正。(本來想寫"超屌"襯返周杰倫，但話晒我都係香港人，都係用返廣東話罷啦。)

講返雲妮鍾情嘅周杰倫專訪，聽到周杰倫講廣東話，真係好搞笑。最搞笑佢學講"串到爆"果句，真係好笑到爆。

東歪西倒

話說因為一個熱帶氣旋嘅迫近啦，天文台尋日就掛咗四個幾鐘頭嘅三號風球。

猶記得上次掛三號風球嘅原因係"派比安"。當日天文台"冧"樹。
今次一個只係無名小卒嘅熱帶氣旋。今日天文台又"冧"樹。

唔知係天文台嘅樹唔穩陣，定係天文台嘅system真係太out-dated。次次話三號風球，都會吹"冧"嘢。連樹都吹得"冧"都應該好大風。返工嘅時候，仲橫風橫雨添。其實，以前D技術無咁先進，就話唔知要掛高D嘅風球啫。但而家科技咁先進，應該會比以前早D知道有天氣唔穩定嘅情況，會比以前更加準確。但點解好似比以前更加唔準咁嘅。

今日vienn又話我聽，有人鬧天文台啦。D家長投訴天文台，咁遲先掛三號風球，等D小朋友返晒學，又要去接返佢哋。D家長咁講係想天文台唔掛三號風球，定一早掛呢。
話時話嘞，如果唔掛嘅話，吹到"冧"晒樹嘅時候，又比人鬧；一早掛嘅時候，D人又話唔係好大風啫，做咩掛三號風球呀。掛又死，唔掛又死；早掛又死，遲掛又死。所以天文台都係唔理人，做自己罷啦。

落雨啦，收衫呀！

因為有一個熱帶氣旋接近本港，令到香港嘅天氣好唔穩定。前晚開始已經一路落住好大嘅雨，落足成日幾都無停過。尋日朝返工，都未訓得醒，原本想搭地鐵果陣恰恰。點知架地鐵搞事喎，佢竟然玩漏水喎。係咁"her""her"聲流落嚟，流晒落D座位度。

原本大家咁多個乘客諗住唔坐D濕嘅地方咪得囉。左右隔離都應該OK無問題嘅，所以我正前面個位就吉咗，因為佢流晒水，但果個位隔離就坐晒人。誰不知一開車，條水注就斜咗，流咗落其中一個隔離位，(因為我唔識分左右，我唔知係左邊定係右邊位，anyway，總之就係其中一個隔離啦。)咁個後生仔就好尷尬咁行開，我開初都覺得幾好笑，但人哋都濕咗身就有返D品德，唔好笑人哋。

但另一個隔離都仲唔聰明，仲喺度掛住笑人哋。點知架車一煞車，條水柱就側咗去佢果邊。今次仲大鑊，D水仲多咗添。條友勁濕。呢個時候我就真係忍唔住笑啦。

誠信

就連身邊嘅人都已經唔再相信佢所講嘅嘢。
由算點誓神劈願話佢一定會做到，但都無辦法令身邊嘅人相信佢嘅承諾。
呢個人嘅人生……應該已經再無意義。

消化系統

我嘅消化系統唔係咁好，我諗呢三日發生嘅事，我要再消化吓先可以吸收。

Stop Here

I gotta stop blogging in the coming 2 weeks.

I am sorry about it, but I have nothing I wanna tell in this moment.
What I wanna say is I am fine. Just no good topic I wanna do. And that's it.

Anyway, I will be back.

好天氣續集

今日聽埋個廣播劇，"好天氣續集--十九歲"。

聽到尾二果集，聽到亞占要同李香蘭分手，我好想喊。我唔想佢哋分手，雖然我好唔鍾意亞占見一個鍾意一個，我覺得佢咁樣好衰，唔值得李香蘭咁鍾意佢。但我真係好鍾意李香蘭，我好鍾意佢咁專一，咁堅定。

我好耐無試過想喊嘅感覺，我諗喺我而家過都頗幸福啦。

開普敦

今日同一個讀CRM嘅時候識嘅朋友仔chat。

一路淨係知佢喺cityU度做嘢。今日多口問佢喺邊度讀U。原來佢喺University of Cape Town度畢業。係咪唔知喺邊呢，我都唔知，佢跟住話我聽係南非嘅開普敦。

原來呢位朋友仔，中三嘅時候舉家移民咗去開普敦。一個好特別嘅地方。我都未聽過有人移民去南非，好新鮮呀。我問咗佢好多關於開普敦嘅嘢(我八卦丫嘛。)問佢點解會返嚟香港，佢話果邊治安唔好，所以都係返嚟香港喎。我諗香港唯一可以自豪嘅就係呢樣嘢啦，希望唔好失去啦。