舊同事

我尋日朝喺地鐵度好似撞到一個恒生嘅舊同事Raymond，不過因為我到站要落車同差唔多要遲到啦，所以我就衝咗落車，無行過去望清楚。

今日又比我再撞到佢，因為大家都無見過三﹑四年，大家都你眼望我眼大家都驚認錯人嘛。最尾大家望咗咁耐，都唔應該會認錯啦。所以我就走埋去，問吓佢而家點呀﹑喺邊度做緊嘢呀咁。好得意，我上次上恒生interview嘅時候，見到好多舊人，就係見唔到呢個舊同事，成日都諗佢仲有無喺恒生度做呢?如果無又去咗邊呢?

原來一直諗住相同嘅問題，真係好快就會有答案架啦。