Last day 悶到癲

今日係我喺天文台嘅last day。今朝仲有個build要deploy，之後都係等放工時間，同埋睇吓股市咁啦。今日個股勁唔掂，一早就低開七百幾點。搞到全線嘅股票都低開，連我手上果D都唔例外。好彩，到咗下晝三點各股嘅跌幅都收窄啫。暫時算係有驚無險。

講返last day，我做完晒嘢，無無聊，走去搞我D fd嘅blog囉。我喺個fd個blog度一口氣留咗近十個留言，見乜留乜，有破壞無建設。希望佢唔會返嚟報仇啦。就係咁，我今日就悶咗成日啦。

雖然，今日係有D悶，怛心情都有D抗奮呀，因為聽日要返新工啦。奸爸爹!

連續三晚都只瞓四個鐘

以我D咁懶瞓嘅人一日起碼都要瞓8個鐘。但呢幾日實在有太多事發生咗啦。

我星期日晚因為要趕做功課，做到半夜三點，因為做到太夜，所以都唔知自己係咪做得啱，好彩星期一晚返學同同學對過功課，大家d答案都差唔多，只係有一條我唔識做，要問返個同學點做。

但果晚放學返到屋企，知道亞媽病咗，所以屋企無人煮飯，我就自己煮咗個都麵。之後，見到亞媽返咗幾日工，D衫都未得閒洗，就夜麻麻幫佢洗埋D衫，涼埋先瞓，又搞到三點幾。

星期二，終於都handover 晒D嘢，心情輕鬆咗好多，諗住夜晚可以早D瞓啦。點知食完飯，亞爸叫我幫佢捽背，因為佢話佢背後嘅雞翼位好痛，佢已經痛咗個幾禮拜，仲好似越嚟越痛。尋晚幫佢捽嘅時候，發現佢個雞翼位已經腫咗啦。仲不時痛到佢吖吖聲咁叫，仲連前面都痛埋一份。我最終迫咗佢去睇急症。因為我好怕佢唔係肌肉酸痛咁簡單，我怕佢係個肺有事。去到急症室，亞爸呢D不明痛症當然只係屬半緊急。但我點都要佢照咗X光，肯定只係肌肉嘅事，我先放心。見到平時好忍得痛嘅老豆坐立不安，就知佢一定係好痛。照完X光，醫生好詳細咁講解返，話亞爸嘅骨無事，可能只係肌肉扭傷。至於點解會連手臂都會酸軟，係因為腫咗嘅肌肉擠迫住D血管，所以供血有阻礙，導致到手有酸軟嘅感覺。咁醫生比咗D止痛藥佢，同打咗支針。打咗針之後亞爸成個人鬆咗好多，無咁痛lu。

返到屋企差唔多兩點，諗住沖完涼啦啦聲去瞓啦。點知亞妹又話佢要將佢整果個avi燒成VCD，但佢唔知要點整。由要我幫佢搞，由download software到燒埋碟，又搞咗個幾鐘。最後，四點半先有得瞓。

今朝真係唔想起身，照鏡見到自己個黑眼圈，發現自己成隻熊貓咁，真係慘。

其實今晚都唔知有無得早瞓，因為我星期五仲有份功課要交呀。

星座命盤 - 詳盡版

‧你的太陽在巨蟹座
屬於巨蟹日座的人善良、敏感、富有同情心，長於回憶，具有高度的想像力和強烈的母性或父性的本能，熱心、保護色彩濃厚、謹慎、節儉、機靈、不屈不撓、愛國家愛民族，是所有星座中最具家庭觀念的星座。巨蟹座是十二個星座中最肥沃的，由月球所統統轄，主管一切和膨脹有關的事務，陽光造就生命，使地球上的生物欣欣向榮；月光和生長、結果有關。這是因為太陽是垂直照射地球，而月光是水平的。如果植物只照射日光，不照月光，就不會結果實。由於巨蟹座的守護星是月球，因此他們特別有女性及母性的氣質，情緒的敏感，支配了一切。巨蟹座的人生性多愁善感，他常會為過去那段美好日子而低迴緬懷，並且容易生活在過去當中。他們喜歡將煩惱深埋心中而不願和朋友分享，經年累月下來，對消化系統產生不良的影響，因而容易罹患腸胃潰瘍的毛病。在外出時，要注意飲食，因為你的太陽星座主宰胃部和胸部，所以要特別避免胃部失調，有條理的飲食養生法，可以避免肥胖症和風濕症。最好和家庭專門醫生好好研究一番。體質雖好，仍需避免身心過勞，而加重你原本敏感的神經系統的負擔，避免憂慮、抑鬱和沮喪，最重要的是避免恐懼和導致疾病的情結。盡量獲取新鮮空氣和陽光。

‧你的月亮在巨蟹座
月亮在巨蟹座的人，很情緒化，母性極強，因此照顧別人，保護別人的心態強烈，但因極敏感，東想西想，胡思亂想，也更易受傷害。如果說，你很愛哭，你是愛哭鬼，相信你不會不承認，有時候是在別人不注意的時候，偷偷地掉眼淚。月亮在此座的人，其月亮的正面特徵特別強烈。照顧別人、保護別人的心態極強，家庭觀念也很重。對他人深具同情心，對環境十分敏感。想像力豐富，十分情緒化。大概你是個極需安全感的人，大部分的這種感覺可以從人類社會制度的「家庭單位」中獲得，所以巨蟹月座的人很著重家的感覺，認為家人和自己是一體的，得失相關，休戚與共，不可分開，因之願意承擔家庭責任，為家付出一切。從家這個概念發展，同樣的你會愛國，愛民族，歷史感強烈，你終於明白這種感覺是怎麼來的吧！就是源自有所歸屬的安全感. 著重感情的你，也善於回憶，容易沈思陷溺於過去的事件和感情中，往事歷歷，如在目前，就這樣自然而然地陷入了沉思和回憶，不論是苦是樂，就是一幕接一幕地回憶。你是以感覺來判斷事情類型的人，由於情緒化，因此好惡程度也相當強烈，感受性很敏銳，情緒也不是很穩定，在情緒不佳時往往會用食物來麻痺自己，因此要注意身材的保養。由於感受性敏銳，也很容易受別人影響，別人發怒，你也發怒，別人哭泣，你也哭泣，但自己的想法跑到哪裏去了呢？要學會控制自己的情緒嘛！巨蟹月座的人，一旦付出愛就永遠不會變心，不但奉獻出對對方的關心，也很容易依戀他人，有很多人一直到年紀老大仍然離不開母親，而在依賴母親的同時，也使自己成為具母性的人。月亮在此星座的人通常都是好父母，惟需注意勿過分強調自己的權威。在人際關係中，應不要放縱頑固的天性，去依附他人，仰賴他人給予心理上的力量。巨蟹月座的人在不得志時很容易酗酒，很多巨蟹月座的人都愛喝酒。

‧你的水星在獅子座
水星在獅子座的人很主觀，外在世界的客觀性都是次要的，自己的主觀意願才是主要的考慮，因此這各世界是舞臺，舞臺的意義當然依附於主角的成功。你這種人從每一件事中找尋你自己的定位，但是有時候你也頗為超然，只要你尚未涉入事件太深。開朗、樂觀，但經常固執、武斷。意志堅強，心腸軟。喜歡享樂，有責任心、組織力。對演戲、企劃、廣播、賭博、權力發生興趣。經常充滿信心大志，心胸寬大，下的命令都很正確。不過通常會給人造成一種傲慢的印象。佔此星座的水星，通常有直覺能力、創造力及對藝術的鑑賞力。善於誘導出孩童的長處。宜任教職。這是水星很優秀的一個良好位置，水星支配心智，獅子座影響人心的情感，而這種理智與感情的混合是無懈可擊的。這種位置賜予人性的情感與健全而富表現力的智慧，你的心理以一種富同感的態度工作，給大多數的人帶來情感上的滿足。你對於一項計劃不從狹窄的範圍去瞭解它，而是從大的方面去要求領悟，你是位天然出風頭的人物，充滿了特殊表現的天性。你的演講，表演或者書寫能贏得別人對於你的仰慕與愛情。假如你本人並不實際的參予表演事業，你執行的能力與領導眾人情緒的能力可以使你邁向成功。你的觀點頗為固定，也可以說是固執，因此你不是很好的觀察家，外界的訊息，例如視覺，嗅覺，味覺或聽覺在傳送到你的大腦中樞時，都要先經過一個不鏽鋼板的濾網，很要命吧！因此要影響你的意見是件高難度的事。自視甚高，常以命令的語氣說話，所以，給人一種傲慢、尊大的感覺。負面特徵為粗魯、偏見、囉嗦和缺乏感情以外，倒是個相當會說話的人物。無論如何，當你覺得一切不順意的時候你容易暴怒，偏見，自負。你可能傾向於驕傲甚至於有點刻意炫誇的個性，而且你常常虛飾誇張，喜歡把自己的成就誇示給別人看。如果你對一件事情的反應遲緩，那麼絕不會是因為你的愚笨，而是因為你的興趣缺缺，只要你肯培養注意力，意識到你周圍環境的優點，並培養自己的能力，那麼經過適度的練習之後，每件事都會變得十分美好！

‧你的金星在巨蟹座
金星在巨蟹座，對你而言處處流露出真情和同情心，愛的表現傾向於女性或母性，慈祥而富同情心，從料理家庭生活中尋找樂趣。情緒容易激動，有時會顯得過於壓迫。宜加以控制。愛家的特質表露無遺，基本上你具有幽默感，因此你的人緣很好，喜歡穩當的投資，但財務狀況的波動也會出現。你喜愛吃，你非常的喜歡食物，事實上你常常傾向於暴飲暴食。你並不外出追尋愛情，你只是一直等到它的來臨。雖然你傾向於在感情事務方面顯得消極被動，但是你總是容易動情感的。你的感情表達遵循簡單且直接的規則。那就是你需要家及安全的感覺，因為這是最基本的生命趨力，使得你的愛是忠誠的，付出的，雖然保護特色極強，但不會變得自私。你的整個本質藏在一個深具保護性的殼之下，直到你的感情步驟使得你覺得安全為止。等到你的愛情成熟，就像花兒在溫暖的陽光下，使你的世界增添無限的色彩。在你心靈的深處，隱含著一種強烈的不安，那就是你十分懼怕感情加諸於你的傷害，這是因為愛情比其他任何美妙的東西都更能震撼你的世界，當你的感情狀態使你覺得有安全感之後，你才能在事業上成功。女性示愛的型態是具有強烈的母性愛，不論是什麼事物，你都會溫柔地包容。忘我地為對方盡心盡力，並獻上愛情和感激。對戀愛的思想很保守，總是堅信和他廝守、對他照顧得無微不至、營造舒適的氣氛為第一要務。結婚之後，只要能夠過著兩人的生活，就感覺幸福。因為你害怕獨處，所以他到哪裡你都想跟著去。男性所喜歡的女性類型是奉獻自己、富有母性愛、心腸好又喜歡照顧人的女性。喜歡整理家務、善於烹飪、通情達理、感情脆弱勝於理性、溫柔感情，和她談什麼事都會溫柔地抱住你不放，令人有信賴感的女性，是令你最嚮住的類型。你喜歡結婚之後就專心營造舒適的家庭氣氛，跟隨在丈夫背後、珍視孩子、不喜歡出風頭的女人。

‧你的火星在雙子座
你能夠同時從事很多工作，一心多用仍才氣煥發。你把行動力用於製造接觸，交織出一面寬廣的友誼網路，同時用在學習新的事物，建立新的技巧。你對新觀念的好奇心強，彼此觀念的溝通能激發興奮與想像。好奇心旺盛，問一知十，腦筋反應很快，話題很多，不易使人厭煩，商人氣習濃厚心智力旺盛，但常會不定，容易消耗精力而無所獲、必須培養注意力。無論生理或心理，都有極高的警覺力，有寫作能力，工作的種類和變化十分重要，但或許會欠缺耐心，未竟的工作會阻礙了進步。在受剋時，會有神經緊張的現象。擁有藉由演講的效能來鼓舞群眾跟隨支持他的能力，而不是藉著肉體力量來爭取支持。雙子座的守護星是水星。當水星與火星聯合時，雙子座這個位置往往藉由聲音來表達，相位好的話，運用這種特性能夠帶來力量。在牽涉到精神方面或者實際工作方面，你比較傾向於游移不定，而不是有力的堅持下去，當你應該加緊前進的時候你卻猶豫而退卻。此座的人常常同時有兩三個不同的計劃，必須在一定的時間內都完成，常常為了轉換方向而浪費精力。精神上你可以完成不凡的成就，但是你必須學習將足夠的力量加之於你努力的目標，以便將其帶向成功的最後目的。女性所喜歡的男性類型能以幽默的口才吸引女人，能滿足你的自尊心，在文章上能展現優越的才能，以情書讚頌愛之歌，然後將女性引導到美妙夢境者，能夠臨機應變、能說會做、文筆流暢、多才多藝、相當精明的人。男性的心卻經常是冷冷的。感情和情緒容易變化，甚至可以同時對兩種愛表現真實。示愛的方式會親切體貼地呵護著你，但對其他女性也是如此。幽默迷人、口才雄健、文筆奇佳的戀愛高手。除了擅長情書和電話交談之外，還會當面甜言蜜語，或是勤於送花。如果他對你沒有好意的反應，表示他已改變目標。這種人是選擇對象遊玩的，如果作為結婚對象，令人失望的可能性很大，尤其是嫉妒心強烈的女性，大概會受不了。

‧你的木星在獅子座
你有著戲劇化和多彩多姿的人格，對於良好的生活品質具有十足的熱誠。你的許多天生才能可以使你成為很好的演藝人員或是具從事政治活動的能力。你的態度優雅、莊嚴。擅長利用頭銜和外表從事社交。最重要的，你能成為社交中心的主宰。在和政治經濟有關的領域中，你是一位天生的領袖人物。你必須擁有絕對的權威，否則你將永遠不明暸你自己的潛力。木星在這種位置，是欲從事獲得權勢、成功的最佳位置。你的能力高超且野心勃勃，尤其在政治圈中你能應付任何場合以及表現高明的手腕。因為你急著想凸顯自己並完成你自己的目標，所以早夜孜孜非常努力。當然，當木星受剋時你也會變得傲慢、沒有寬容心、奢侈（為了炫耀）、自鳴得意及勢利。如果你的木星和太陽系的其餘星曜相位不佳，你會變成自大吹噓或者凡事不知節制。通常你的健康狀況很好，但還是要注意心臟和體重的問題。在戲劇方面、教書或與兒童、年輕人相處的工作中，皆能展現創造性的才華。將時間用在發展心智及藝術的工作中會有好處。木星在此星座的誕生者，以獅子日座，牡羊日座，射手日座等火象星座旅遊運最佳，而以天蠍日座和金牛日座旅遊運較差，若您是個水瓶日座的人，則旅遊的機會在人生的歷程中特別多，而且有不得不動，被迫遷動的遭遇。雙子日座及天秤日座的誕生者因旅遊而創造新機運，魔羯日座，雙魚日座，巨蟹日座和處女日座等四個星座的旅遊活動將伴隨著壓力和麻煩，有時候是樂極生悲，應較為小心。當然詳細旅遊運的好壞，端視天宮圖的其他部份有無特別強調的地方，不可一概而論。

‧你的土星在處女座
土星在此星座時，做事有條理、精確、謹慎而實際。在謀求一致性下，生活態度十分規律，一絲不苟，工作方面，整潔、不畏艱難的工作，注意細節。專注而盡責。你很勤勞、富於執行能力而且很細心，並且著重道德、效率和精確，有能力驅動自己及他人，像藥物學、研究發展、謀劃策略和保存記錄等工作也非常恰當。因為你很注意細節、瑣事、嚴格守時，因而顯得你有些苛刻，具有挑毛病的傾向。有時因為過於在乎細節，此點有時惹人討厭，假如相位不好的話，會為了芝麻小事做不必要的嘮叨，或者操煩瑣屑的事物。對於計畫某件事時也持著專斷的態度。也可能會罹患有腸疾。你應注意培養些幽默感，並需克服經常焦慮的習慣，當你能分辨清楚事情的輕重緩急，才能鉤深致遠。憑著你的天性和才能，總是能夠對這個世界有所貢獻。不過，由於你亦要求別人建立精密的規律生活，所以，偶而會顯得很獨斷，位居高位時，會因個人對工作要求很高而嚴格督促屬下。過分注意細節之處時，常會白白地浪費努力。如果你的土星位置和太陽系其餘星曜的相位不良，則會使你變得嘮叨不休，健康上並會產生消化道方面的問題。

‧你的天王星在天蠍座
天王星在天蠍座使你能透過潛意識而完成極為艱鉅的任務。有時你是天使，有時你又像是惡魔，你散發出強烈的魅力，追求真實的心境。被不幸和嫉妒所壓抑的心境常成為異常行動的主因。對死和靈魂抱有獨特的想法。正處於容易增加犯罪或感情日趨淡薄的時代裡。受剋時情感難以表達，甚至表達的方式極不合乎傳統。情感的發洩會被堵塞或導至錯誤的方向。復仇心可能會很強。但除非在出生圖其他部分有強烈的情緒性，否則這些傾向不會十分明顯。愛和性對你極為重要，若能克服慾望，你能支配眾人，若屈服於慾望，你將貧賤而成為眾人的奴隸。

‧你的海王星在射手座
海王星居於射手座的誕生者有可能產生對宗教和神秘學的興趣，這是一個願意嘗試新的感官經驗的位置，只要任何和心靈有關的事物，都能激發興趣。這是應用靈魂超能力於學問、出版和醫學的世代。海王星在此星座時，當能感覺到一種振奮的影響力。具有設立特異靈魂新知的能力，海王星是在第九、第十宮，以及不受剋的人，心智能力最高。這世界會有一批聖哲之士，懷著烏托邦式的人生觀。但如果濫用超能力的話，會導致文明趨於混亂。

‧你的冥王星在天秤座
冥王星居於天秤座是要追求文明社會中難得的公平正義。你了解別人的需要，而且你知道惟有透過法律才能使每個個人得到最大的自由。此時期對立的集團會為建立和平社會和國際組織而努力。人類處於婚姻價值觀正在改變的世代中。為了追求絕對性的合作對象，容易演變成敵友對峙。冥王星唯一能產生和平影響的星座，就是在這個天秤座裏。就個人而言，個人會產生一種更合理和平的影響力。冥王星在這個星座裡有利於大財團的合作和發展。

‧你的上昇星座在射手座
容貌臉蛋稍長，然就整體看來稍呈圓型；充滿惡作劇的漂亮眼睛為其特徵，體格碩健，且身材高大。服飾打扮和說話語氣較為粗率；有時則會呈現漫不經心、莽撞的態度。一般說來，射手上昇者往往比其它的上昇者來得更大方、更真心接納他人。當然，他們的運氣也好過一般人。為樂觀的自我表現者。做研究、旅行、接觸國外的事物是他們的執著。雖說野心極大，不過，對待朋友仍然親切和藹，且富同情心，是為爽朗快活的典型。其將任何事皆視為與自己切身利益有關者來思考，以便人人皆有此共同體認。傾向樂觀主義，對周圍的人而言，具有積極的鼓勵效用，他們在處理日常事務時，有時真是近乎天真得無知，因為他們犯錯時，會用羞赧加笨拙的微笑化解別人對他們可能的責難。他們對生命開放的態度，不僅引領他們趨近幸運，也讓他們成為十足的冒險家，在高速公路上、馬路上、金融貿易界等地方，你都會看到一群有恃無恐的玩命者。不過他們可真沒想到自己的行為舉止，會讓別人捏把冷汗。我們不妨把射手上昇列為十二個上昇星座中最具潛在危機者。在創造性的活動中，投注很多的精力。對愛情和羅曼蒂克採熱烈、積極的態度。喜歡運動，尤其喜歡具有爭鬥性質的拳擊、摔角、足球等劇烈活動。雖然本身認為和子女之間有從屬支配的關係，不過，有時候對子女也表現得極為寬厚。外表給人一種不求名利之感，可是，在他的潛意識和人生哲學裡，還是熱切地盼望名譽、高位。大多數人皆希望自己的理想能為別人所肯定。無論在實質方面或精神方面均作漫長的歷練，不過，其眼光常注視著遠程目標。事業發展方面，對於金錢，採取慾望強烈和肯定的態度。然非濫用錢，而是認為應該將錢花在具有永恆價值的事物之上。工作固定而少變化，不過，若能將它視為一種富藝術性的工作，亦能獲得樂趣。若欲獲致相當的成就，而期望得到報酬的話，勢必一開始就得努力工作。嚴禁飲食過量，起居不規則的生活，才能常保身體健康。一旦仔細地運用頭腦，即可帶給社會新形象。人際關係中，以富刺激、獨創性的方法來傳達思想。此思想雖是直接憑靈感而產生的，但是，仍舊可以實際應用。此思想乃經過長時期的艱苦磨鍊，終而證實其具備了實際機能、進步等價值。本質上是孤獨的，不過喜歡和多才多藝，而且能給予實質援助的人們交朋友。集合富裕、具穩定性及魅力和能力非凡的朋友於其周圍，因此常可達成很多目標。通常從同心協力的朋友中選擇結婚對象。家庭生活中，認為家庭不是溫暖的場所，倒常成為退卻養老之地，或者家庭就如同教堂、大學等供給的宿舍及培養共同宗教信仰之地。有很多人皆住在公家機關所配給的住宅中。然而在家庭中仍應尊重屬於個人私生活的領域。常認真地思考有關自身的死亡問題，並希望在他死後，人們常會想起他。在在有條不紊地完成人生的使命，有時還須確定一下，看看他死後是否留下足夠的財物給他的家屬。通常在合夥事業中，伙伴都能獲益，不過對自己而言，此金錢乃是為了提高地位、身價才花用的。靠隨機應變的才能支撐著，可以找出別人所忽視之事的價值，而且，也擅長發掘其他人潛藏的才能。

講咗咁多嘢，我似乎係一個極難捉摸﹑不斷往上爬﹑以家為本﹑正義﹑好奇心大﹑自我中心……嘅怪人。

Altair - 映昔台: 星座命盤

我今日又八卦，周圍睇吓D friend嘅blog。睇到映昔台講開星座命盤，好奇嘅我又係走去玩喎。個result就喺下面。

Briefly:
Major:
你的太陽在巨蟹座
你的月亮在巨蟹座
你的上昇星座在射手座

Minor:
你的水星在獅子座
你的金星在巨蟹座
你的火星在雙子座
你的木星在獅子座
你的土星在處女座
你的天王星在天蠍座
你的海王星在射手座
你的冥王星在天秤座

嚟嚟去去都係巨蟹﹑獅子同射手。
定我開個 blog去記低晒佢哋先。

驚少一半

我之前入咗隻1218，入嘅時候係0.475。點知佢連續升咗5日，升到去0.57。嘩，升咗咁多?!

尋晚，同honey傾過，佢話可以賣返一半出去。我無乜主見，梗係聽佢講啦。
今朝未開市就set咗個賣盤，一開市就賣咗lu。
然後，到下晝個市真係跌返落嚟喎。好彩賣咗一半，而家都驚咗一半。

不過，連續升咗五日，都應該有一日跌。如果今日唔跌得太多嘅話，剩返果一半都可以keep多幾日再睇吓先。

舊同事

我尋日朝喺地鐵度好似撞到一個恒生嘅舊同事Raymond，不過因為我到站要落車同差唔多要遲到啦，所以我就衝咗落車，無行過去望清楚。

今日又比我再撞到佢，因為大家都無見過三﹑四年，大家都你眼望我眼大家都驚認錯人嘛。最尾大家望咗咁耐，都唔應該會認錯啦。所以我就走埋去，問吓佢而家點呀﹑喺邊度做緊嘢呀咁。好得意，我上次上恒生interview嘅時候，見到好多舊人，就係見唔到呢個舊同事，成日都諗佢仲有無喺恒生度做呢?如果無又去咗邊呢?

原來一直諗住相同嘅問題，真係好快就會有答案架啦。

Timing

今日聽收音機，我都唔知聽緊咩節目，個DJ講咗一句"只係Timing嘅問題，當時有感覺但得唔到，係你嘅都會喺返埋一齊。"

所以，最玩人嘅唔係天意，應該係時間。

又喊又笑

個fd同我講，話如果佢個女果日笑得好癲嘅話，果晚就會喊。有一晚佢同佢個女玩，見到個女一邊大笑，一邊流眼淚。

我諗呢個可以算係宣洩嘅一種方法。
唔理係大人定細路都一定有令佢忐忑嘅情況或者係事件，尤其係唔識得handle嘅特別多。我同意唔係樣樣都可以控制到，特別係一D自己好在意嘅唔知乜嘢，但唔知道係乜，又唔知點去令自己釋懷嘅時候，就會好想自己可以開心D。但開心完之後，發現自己仍然係被件事嘅陰影籠罩住，跟本就無離開過，情緒就由超高直插谷底。就喺呢個時候，失控嘅倩緒就崩潰，眼淚亦都缺堤。喊完都唔知為乜，亦都無必要知為乜。可能件事一直無關痛癢，亦可能再深埋心底，直至下次情緒再次失控，但總之心情就比之前好咗啦。識(能)喊總比鬱住喺個心度嘅感覺好受，我通常都會由得自己發癲，迫自已超high，然後跌返落嚟，同玩滑梯同過山車一樣。有D變態。

點解我有以上嘅見解，因為我個fd講比我聽果日，我都有同樣嘅情況發生。

咁就過咗啦。

日望夜望都好想過年，因為有假放﹑又有得玩﹑又有利是收。

年三十晚帶咗孖仔表弟同細妹去咗睇"Open Season"，好搞笑，睇得大家都好開心。一套人人都睇得明，得個笑字嘅卡通片。之後就去咗行花市，下晝五點幾都多人都爆。我果兩個表弟真係勁低能，超搞笑，得果十歲人，去到行花市竟然唔睇玩具，睇埋晒D咩萬能抹碗布呀﹑勁力地拖……真吹佢哋唔脹。

年初一，戲肉嚟啦。今日勁好節目，先上婆婆度同亞公亞婆拜年，諗住等到十二點幾，D亞姨舅父都應該到亞婆度，我就可以逗晒D利是，然後就去燒嘢食。點知我等到十二點幾，都未有親戚嚟到，因為約咗小鵬，所以就走先。去到南昌站等埋小鵬一家就一齊入咗去小鵬姑姐屋企度燒嘢食。仲逗咗好多利是添呀。差唔多八點鐘度就走lu。我再上返亞婆度接埋媽咪同亞妹返屋企。亞妹比返D利是我，我果晚數咗自己逗咗幾錢利是啦。勁呀，一日就逗咗二千蚊啦，不過今年嘅利是都差唔多逗晒lu。

年初二陪媽咪去車公廟拜神。今日D人仲要去拜年，所以車公廟都唔係好多人。所以半個鐘頭度就買埋風車走人lu。然後就去咗飲茶，咁一日嘅節目就咁完結啦。

年初三，又同咗小鵬去佢D親戚度拜年。先去華姐度，再入大圍去二姑姐度，然後出返天馬苑大姑姐屋企食晚飯。去到大姑姐屋企，榮少同小鵬個叔撩我哋玩射龍門，原來小鵬唔知咩係射龍門喎。等我教佢啦，有咩曳嘢﹑賭錢呀﹑打麻雀呀…都係我教佢，真係我教壞佢呀。開頭我同小鵬都唔係咁lucky，成日都密籠。好在食完飯之後，D運都返翻嚟，at the end我哋都有贏錢。算係發咗新年財啦。

請假嘅最好藉口

香港嘅男仔有陣時真係好無責任感，我唔係單單指對女朋友，就算係對份工都係咁。

我聽過最荒謬嘅請假理由係:
下屬:"我2月15日要請假呀。"
主任:"你咩事果日要請假呀?"
下屬:"因為2月14日驚玩得太夜，所以要請定假。"

聽到我真係覺得不知所謂。之前果晚玩到幾點你可以控制架嘛。就算你真係控制唔到，真係比個女朋友捉住要玩得夜，唔係就分手，你第二日都應該返工啦，你個係你嘅責任嚟架嘛。你可唔可以同你女朋友講，尋晚亞媽要我幫手做家務做得太夜，我今日唔做你男朋友呀?!

你想做大情聖，同女朋友過個好浪漫嘅情人節係你嘅私事，但你唔可以將工作同你嘅私生活混為一談。你做得情聖就唔該你預咗辛苦，otherwise，唔該你自量吓，無咁嘅能耐就唔好搞咁多嘢。

一個二十幾歲嘅人，不分輕重，乜嘢嘅priority應該高D，乜係次要都唔識分。成日都用"我仲喺好細個架咋!"嚟做藉口，咁你咁細個不如返屋企等亞媽呵吓你啦。出嚟社會做事就應該有責任心嘛，咩都懶懶閒，有咩就話我唔知喎，我唔識喎……咁。唔知咪問，唔識咪學囉。你有手有腳有口有腦，你洗唔洗人餵你食飯呀? 況且，憑心以論，情人節唔係你一個人嘅節日，人人都會同男/女朋友﹑老婆/老公慶祝架啦，咁點解其他人又返到工呢?如果情人節真係咁嚴重就會變成法定假期啦。咪咁childish啦。

除舊迎新

年近歲晚，人人都去舊迎新。我都非常之咁應節，我個肚今日勁咕咕，不停要去洗手間去舊，準備迎接新年嘅年糕﹑蘿蔔糕……

2007年2月14日 - 情人節

2007年2月14日，即係今年嘅情人節，即係尋日。

原本無諗住要慶祝架，因為小鵬尋日要返學嘛。但我又想比個surprise佢喎，所以我就決定去接佢放學，同佢去食飯慶祝。但要同佢慶祝，首先要搞定auntie先，因為如果屋企留咗飯嘅話，小鵬就唔會出去食，就算食完先返去，小鵬都會比人話，呢樣我唔想。因此，我下晝就開始打比auntie，但屋企成日都無人聽電話，由兩點打到收工六點先搵到auntie。

戲肉嚟啦，係呀，戲份最多嘅係auntie呀。
我:"auntie呀，我係秀雯呀，你煮咗小鵬飯未呀?"
Auntie:"我買咗盆菜呀。"
我:"我諗住今日去搵小鵬食飯，比個驚喜佢添。(講到咁明，係希望auntie記得今日係情人節，有D情趣，可以識做。)"
Auntie:"個盆菜我預咗肥仔架啦。"
(-_-')咁即係佢無乜情趣啦。我:"咁好啦"
Auntie:"你都上嚟一齊食啦。"
(我都知auntie對我好，但係……)我:"小鵬今日要返學，要9:30先放學喎。咁我哋返到嚟咪好晏囉。"
Auntie:"我唔知佢要返學喎，你叫肥仔打比我啦。"
我:"哦，好啦，拜拜。"
Auntie:"拜拜"

咁我咪打比honey話佢亞媽搵佢。佢問我點解佢亞媽叫我叫佢打返去喎，我都無咁好氣，我咪話唔知囉。佢轉個頭就打返比我，問返我咩事。我咪忍唔住將我原來嘅計劃一五一十話晒比honey聽囉。咁佢話佢唔返屋企食啦，今晚同我食。

我哋跟住就係polyu去火車站條天橋度meet each other,then我送咗佢入大學，搭返車去沙田。但我一個人行咗一個鐘已經悶到爆。果度勁多人。我最憎條街咁多人，D人都唔知係唔識行，定真係睇我唔到，成日都撞到我，又唔say sorry，無D禮貎。所以，我都係打個電話比我個fd救命，不過佢仲慘，佢仲開緊工，話放工先再打比我喎。咁我又要一個人繼續行。

行到差唔多九點幾，小鵬打比我話佢放學，而家過嚟沙田搵我。我個fd都啱啱放工，同埋話咗比屋企人聽佢要出街食，所以大家就係沙田度join嘞。佢哋嚟到，我已經好肚餓啦，仲腳軟軟﹑腰骨痛添呀。好彩，我哋三個人，都好快有位食飯。三個人食咗四餸一飯，勁呀。一輪狂風掃落葉之後，開始傾計，發現大家都有好多唔明嘅地方，譬如:carrie點解註冊都唔叫我哋成班去觀禮呢?點解佢又註冊同擺酒唔一齊搞呢?點解佢無啦啦咁趕住結婚呢?諸如此類啦，所以我哋就搵咗我哋嘅百科全書嚟食雪糕，順便問個清楚明白。

原來百科全書今日去咗油蔴地學唱歌，返屋企順路出嚟傾計。咁我哋就一齊求知到十二點。一齊過咗個好好學，又好熱鬧嘅情人節啦。

睇咗D咩

我之前睇咗好多戲，都唔記得喺個blog度post返添。而家，等我再show返佢哋出嚟，希望我唔會漏啦。

因為周杰倫，所以入咗場睇呢套"滿城盡帶黃金甲"。成套戲周杰倫出得好少，只係見到成套戲嘅劇情都只係浪濤洶湃，氣勢滂薄。以蟻多"嬲"死象嘅姿態，由頭到尾一氣呵成。但好可惜，我真係唔知套戲up乜。雖然我都明點解皇帝要殺皇后，皇后點解會同太子搭上，皇后點解要謀反。但我就真係唔明，周杰倫到底喺到做乜，太子係咪低能，皇帝有無必要做咁多小動作……總之，睇完就好多問號啦。
係記得咁多咋。

呢套"ERAGON"我就覺得好睇D嘞，因為一開始無期望嘛。呢D咁科幻嘅戲，我honey不嬲都好鍾意睇，耳濡目染連我都鍾意埋囉。套戲都幾緊張﹑刺激架。同埋D景又靚。睇到最尾見到有另一條飛龍嘅出現，即係會有下集啦，我密切期待。

"傷城"好睇在梁朝偉嘅心狠手棘﹑金城武嘅烏"sir""sir"﹑同最尾嘅結局。
一個為咗報仇，不惜娶咗仇人個女，用意係可以接近仇人，等自己容易D報到仇，最後，仲嫁禍咗比一個同自己有仇口嘅配角去佈局爆死自己老婆。但另一邊廂自己嘅舊拍檔又可以喺佢完美嘅佈局裡面搵到線索。查出個真兇同廿年前嘅一宗滅門案有關。
好睇。好睇在做咗130幾分鐘，我都唔覺。

一月一日同小朋友(即我果兩個twins 表弟，曳到無敵果兩個呀)去睇戲。諗住睇套得意D，有得笑架啦。點知呢套卡通片，又講排滯，又講傳統思想同現代思想抗爭，又講人類破壞大自然……鬼咁深，睇到我都覺得套戲唔知有邊有十歲以下嘅小朋友係完全明白晒，唔洗父母指導架呢。如果係咁嘅就唔係一級電影啦，係PG電影嘛。運吉。

待續…

預告:<<血鑽>>﹑<<翻生侏羅館>>……

腸胃炎

都唔知食錯D乜，星期一果日成日個胃都好痛，仲一路脹卜卜添。到咗下晝仲開始肚痛。最終早咗半個鐘收工。

因為星期一要返學，諗住返HKU果頭睇吓有無醫生睇啦。行到去巴士站，等咗一陣巴士，覺得唔係好對路，個胃實在太痛，個人仲開始標冷汗添，所以都係決定返屋企。好在等咗唔係好耐就有巴士，不過上到車，架車實在好"浪"，同企喺我後面果兩個女仔係咁撞我，搞到我過咗半條隧道就開始頭暈添。

所以過咗隧道之後，我都係決定落車。一落咗車就已經失晒控係咁嘔，果種洶湧澎湃嘅程度，我都完全唔知可以點做，只好張開口任佢嘔，等佢真係嘔晒為止。果一刻有D覺得難受，嘔到個人眼淚水都標埋。最終嘔完，但個人開始發軟蹄同不停打喊露(因為之前試過喺街度出現休克情況之前，就係不停打喊露)，所以我都好驚會再眼前一黑，我搵咗個地方坐咗一陣。可惜坐咗兩﹑三個字之後，都仲喺手軟腳軟，最終只好慢慢行去巴士站等車返屋企樓下睇醫生。

去到醫生度，醫生話我係腸胃炎，但因為我喺胃嘅位置由左到右都痛，所以醫生叫我食咗藥都仲係覺得痛，就要去睇急症，因為佢話我可能係胰臟發炎喎。(咁大鑊?!不過都係食咗藥先算啦!)。返到屋企食完藥，抖咗一陣，真係仲係好痛。咁唯有去睇急症啦。急症室個醫生一"禁"落我個肚度，痛到我成日彈起。佢話我係嚴重腸胃炎，佢話要即刻同我打支針(醫生，唔打針得唔得呀?我好怕打針架。)我唯有喺個護士不停叫我放鬆D而我就一路驚到打冷震嘅情況下，比個護士篤咗個"pat"一針，好痛。然後，叫我等等睇吓點。坐咗15分鐘，再見個醫生，雖然個胃仲有痛，但D腸好易鬆咗D。

醫生話比兩日藥同一日假我，叫我食完藥，如果兩日後再痛就要去覆診啦。我星期三就已經返翻工啦，因為醫生比得一日假我咋。呢兩日個肚都仲係不時有少少痛咁啦，希望快D好返，新年唔好病啦。好唔返嘅話，都唔知年初一有無得燒嘢食添呀。

問世間情為何物?!

一個勁老套嘅標題。"情"?!有好多種，一個勁濫﹑範圍勁廣嘅topic。但永遠令人要生要死嘅都只有最漂渺嘅愛情。由十幾歲到卅幾四十歲嘅人都有，一個咁難玩﹑咁無把握嘅遊戲，點解偏偏咁吸引人呢?

今次嘅主角(托賴，唔係我)係星加坡個表弟。一個喺溫室長大，無乜點經歷過大起大跌嘅男仔(其實都廿四歲架啦。)雖然當過兵，我成日都覺得香港應該要D細路去當兵啦，一可以鍛練身體﹑二可以學習獨立﹑三可以學識急機處理﹑四可以識得遵守紀律﹑五可以比父母知道佢哋嘅仔女唔係要喺佢哋嘅保護下先可以過日子。好可惜香港無得服兵。anyway，講返回頭先，表弟其實先前當兵嘅時候，都已經發現有少少問題，因為佢比較容易有控制唔到自己情緒嘅情況，所以當兵嘅時候，都提早退兵。

今次，佢因為鍾意咗一個自己嘅好朋友，基於佢先前嘅經驗，向好朋友表白=向好朋友提出絕交。所以佢都考慮咗好耐，但最終都係衰衝動，同果個朋友表白咗。就係因為做咗D自己覺得唔應該做嘅嘢，情緒就開始不受控制啦。

不停send SMS比D 朋友話自己好唔開心，連香港嘅朋友都滾搞埋。所以，d朋友就打返比舅母即係表弟個媽啦。搞到舅母鬼咁擔心，走去check表弟嘅MSN，知道佢有同我MSN，所以我都被列入証人之列。佢打嚟問我佢個仔去咗邊，佢話表弟唔聽佢電話，我點知喎。我又唔知舅母知幾多，表弟要我唔好講。所以，我講D唔講D，都係游說舅母比我搵吓表弟。

後尾都比我打通電話比表弟，佢話今晚唔想返屋企，佢話佢知搞咗好多件事出嚟，唔知點樣面對屋企人，要時間冷靜吓。我知迫唔到佢返屋企，我只要求咗佢向屋企報個朋友，同一定要搵幾個朋友今晚陪住佢，make sure佢真係唔會亦都做唔到傻事，我先去瞓。

其實，你可以去鍾意一個人，但你唔可以要一個鍾意你嘛。一個好簡單嘅道理啫。點解大家要做D傻事去傷害自己同身邊嘅人呢。

----------------------------------------------

尋晚再次收到舅父個電話，佢同我講表弟想搵我，但佢唔見咗個電話，要我打舅母個手電搵佢。

我咁乖，梗係遵命啦。
打到後，舅母比咗個電話比表弟。一嚟表弟就同我say sorry。我問佢咩事，佢話佢尋日朝返到屋企一個人，又開始亂諗嘢，最終，食咗十幾粒安眠藥暈咗，而家喺醫院，雖然情況穩定，但要留醫檢查。

佢話佢做咗好多錯事，又話無聽我講，好對唔住。對唔住D咩啫，你做之前又唔諗吓會對我唔住，做完先講對唔住，有用咩?!講真，佢唔理我講乜，唔理我感受，我唔介意，我都只係佢比較好傾D嘅表姐，我嘅感受唔需要太理會。但點解敢做傻事，又唔顧面對自己嘅失敗同自己嘅屋企人呢?我亦都好老實同佢講，我對佢所做嘅嘢好失望。同時，我都好激氣自己阻止唔到表弟做傻事。我呢個表姐都算唔上稱職。

我聽到其實好嬲。呢個世界有咩事真係解決唔到要輕生先。都係果句，一個唔愛自己嘅人，仲邊有資格去愛人同被愛。唔自愛嘅人，講其他嘅嘢都係多餘。

後記於 2007年2月9日